Man Tianuare 2018, ao a kaokaotaki aron te maroro i tinanikun Maiura ni Kristian ao Ara Mwakuri ni Minita​—Te Boki n Reirei. Tera aroni kamanenaaia?

Ngkana Ko Anganaki Am Reirei n te Kuura: Ko riai ni kamanena te titiraki, te kibu, ao baika irekereke ma aron te maroro. Ma tiaki nanona bwa ko riai ni kamanenai taeka nako ake a oti n aron te maroro are n te taamnei. Ko kona ni kaokoroa te tabo ae ko maroro iai, am taeka ni kaukuki, arom ni kabwarabwara, ao a a bati riki. Ko kona n anganako naba te bwai teuana man ara Bwai ni Mwakuri Ibukin te Angareirei, e ngae naba ngkana e aki taekinaki n te kaetieti ibukin am reirei bwa te boki raa.

N Tain te Uarongorongo: A katauraoaki aron te maroro ibukin iango aika ibuobuoki. Ngkana e kan ongora raoi te aomata ao ni kan reitianako riki, ko kona ni moana am maroro tao ni kanoan naba aron te maroro ibukin te manga oki. Ke ko kona ni bitia teutana, ke ni boni kabongana ae kaokoro. E na rangi n anainano riki kanoan te namwakaina ae nako ke te kibu riki teuana n am aono? A kan ongora riki aomata ake n am tabo n taekan te bae e a tibwa riki ke te rongorongo ae boou n am tabo? N aki ongeia bwa tera arom ni kamanenai aron te maroro, ma tiam bwa ko na ‘karaoi bwaai ni kabane ibukin te rongorongo ae raoiroi, bwa ko aonga n tibwatibwaia nakoia aomata.’​—1Ko 9:22, 23.