N te moantai ao e raraoma Mote bwa e na kona ni kakororaoa mwiokoana are e anganna Iehova ke e na aki. (TO 4:10, 13) Ko a tia n nanamakina anne? Ko reirei n te Baibara ngkai ma Ana Tia Kakoaua Iehova? Ko raraoma bwa ko na kona n uarongorongo n te auti teuana ma teuana ke ko na aki? Ke tao te roro n rikirake ngkoe ae ko tabwarabwara n uarongorongo n am tabo n reirei. Ke tao ko maaku n uataboa te uarongorongo n te tareboon ke aeka n uarongorongo riki tabeua n ana tabo te botannaomata. Butiia Iehova te korakora rinanon taamneina ae raoiroi. (1Be 4:11) Kakoauaa bwa e boni kona ni kataubobongako nakoni mwiokoam are e anganiko.​—TO 4:11, 12.

MATAKU N TE TAAMNEI AE RIIKI BWA TE TIA UARONGORONGO . . . AE NINIKORIA, AO KAEKAI TITIRAKI AIKAI:

• Tera te kangaanga ae rinanona Sister Aoyama?

• E reke ia korakorana ao ninikoriana?​—⁠Ier 20:​7-9

• E kangaa ni buokaki mani karababaan riki ana beku iroun Iehova?

• Baikara kangaanga n te mwakuri ni minita aika e kona ni buokiko iai Iehova n tokanikai i aoia?