9:62

Ngkana e na aki bwakekee ana beera te tia kamarautano, e aki riai n tabeaianga n te bwai are i akuna. N aron anne, e aki riai te Kristian ni kariaia bwa e na tabeaianga ni baike e a tia ni kitan.—Brb 3:13.

Ngkana ti aitara ma kangaanga, ti bae ni waekoa n iangoi ‘boong aika raraoi ake rimoa,’ ae tao boong ake imwain reken te koaua iroura. Ngkana e riki anne, n angiin te tai ti bae n iangoi taai ake rimoa bwa a kakukurei riki ao n iangoi naba ara kangaanga ngkoa bwa a aki rangi ni bubuaka. Anne aroia tibun Iteraera imwini kitanan Aikubita irouia. (WI 11:5, 6) Ngkana ti iaiango n aron anne, ti kona ni kaririaki bwa ti na okiri aroni maiura rimoa. Ai raoiroira riki iaiangoani kakabwaiaara ngkai ao kaatuuan ara iango ni baika kakukurei n te tai ae imwaira i aan te Tautaeka n Uea!—2Ko 4:16-18.