Ti kamanena raoi korakorara ngkana ti uaiakin tiara n te onimaki. (1Ko 9:26) Ti buokaki n tiara bwa ti na kamanenai raoi ara tai, ngkai e a uakaan tokin te waaki ae ngkai. (Ebt 5:15, 16) N am taromauri n utu, e aera ko aki katei tiam ibukin te ririki ni mwakuri ae e na roko? Ibukini buokam, iai tiia tabeua n te kaongora n te boki n reirei aei, aika ko kona n iaiangoi ao n tataroi naba.—Iak 1:5.

N te katoto, ko kona ni boonnanoia ma am utu bwa e na riki bwa te bwaiania ae katoatai temanna mai buakomi? Ngkana ko aki koaua raoi bwa ko na kona ni kakoroa te aoa are kantaningaaki, maroro ma tabeman bwaiania ake a a tia naba n rinanon anne. (TNR 15:22) Tao ko kona ni maroro ma te bwaiania temanna n am taromauri n utu. Korei am babaire. Ngkana ko a tia ni bwaiania mai mwaina, iaiangoia bwa ko kona ngkai ni bwaiania ke ko aki.

Iai tabeman n am utu aika a kona ni karaoa te bwaiania ae aki katoatai i nanon teuana ke tabeua namwakaina? Ngkana e aki rangi n tau korakoram, tao ko kona ni karaoa te bwaiania ae aki katoatai, n arom ni kabanea tabeua te tai ni katoabong n te mwakuri ni minita. Ngkana e aki tau am tai n irira te kurubu i nanon te wiki ibukin am mwakuri ni kareketianti ke ko reirei, tao ko kona n rinea te namwakaina are iai boong ni motirawa iai ke ake nimaua iai te wikeen. Mwaakenna n am karenta te tai are ko na karaoa iai te bwaiania ae aki katoatai, ao korea am babaire.—TNR 21:5.

MATAKU N TE TAAMNEI AE KO NA NINIKORIA NGKAI . . . TE BWAIANIA NGKOE, AO KAEKAA TE TITIRAKI AEI:

• Tera reireiara man rongorongon Sister Aamand, ni kaineti ma ana tangira Iehova ibukia naake a anga ngaiia bwa a na bwaiania?