E tangiria Iehova bwa a na kimwareirei utu nako. (TA 127:3-5; TM 9:9; 11:9) Ma e boni kona naba ni bua kimwareireira mani karawawata n te aonnaba aei ao aia kairua kaain ara utu. Tera ae a kona ni karaoia kaain te utu n tatabemania nako ibukini boutokaani kimwareireia?

E angani buuna karineana te buu te mwaane. (1Be 3:7) E kabatiaa ana tai ma buuna. E atai baike e kantaningai mairouni buuna ao e kaotiota ana kakaitau ni baike e karaoi ibukina ma ana utu. (Kor 3:15) E kaotiota ana tangira nakoni buuna ao e kamoamoaa.—TNR 31:28, 31.

E ukeri aanga ake e na boutokaa iai buuna te buu te aine. (TNR 31:12) E aantaeka nakoni buuna ao e buokia. (Kor 3:18) E taetae ma te akoi nakoina ao e tataekin aroarona aika raraoi.—TNR 31:26.

A kabatiaa aia tai kaaro ma natiia. (TTK 6:6, 7) A tutuangia natiia bwa a tangiriia. (Mt 3:17) A kaotiota te tangira ao te wanawana nakoia natiia ngkana a angania te reirei ni kaetieti.—Ebt 6:4.

A karineia ao n ongeaba naati irouia aia karo. (TNR 23:22) A kariaia aia karo bwa a na atai aia iango ao aia namakin. A butimwaea te reirei ni kaetieti mairouia aia karo ao a karineia.—TNR 19:20.

MATAKU N TE TAAMNEI AE KARIKIRAKEA TE KIMWAREIREI N AMI UTU, AO KAEKAA TE TITIRAKI AEI:

Tera ae a riai ni karaoia kaain te utu ibukini karikirakean te kimwareirei n te utu?