A bwara nanoia aomata ngkana a noria bwa a kabwaka naake a onimakinia. A bati aika a a tia ni katoka onimakinaia . . .

•   taani kairiri n te tautaeka ake a boni karimoai moa oin nanoia, nakoni kainnanoia te botannaomata.

•   taabo ni kanakorongorongo aika kabwaka n taekini rongorongo n te aro ae riai ao n eti.

•   taan rabakau ake a aki karaoi baika a na kabwaia iai te botannaomata.

•   mataniwia Aaro ake a kabatiaa riki boutokaan te tautaeka n oneani mwin are a na tei ibukin te Atua.

 E bon eti ae a riai aomata n taratara raoi ni kaineti ma naake a na onimakinia. E kangai te Baibara:

•   “Tai onimakinia natinuea mwaane ke natin te aomata, ae aki kona ni karekea te kamaiu.”​—Taian Areru 146:3.

  Iai temanna te aomata ae kaotaki n te Baibara bwa ko kona n onimakinna: Iesu Kristo. Bon tiaki tii te mwaane ngaia ae raoiroi ae maiu n tienture aika nako. E rineaki Iesu iroun te Atua bwa “e na tautaeka bwa te Uea . . . , ao e na akea tokin ana Tautaeka n Uea.” (Ruka 1:​32, 33) Bon te Uea Iesu n Ana Tautaeka n Uea te Atua, ae te tautaeka ae e a kairiri ngkai i karawa.​—Mataio 6:10.

•   Ngkana ko kan ataa bukina ngkai ko kona n onimakina Iesu, wareka te kaongora ae “Antai te Uea n Ana Tautaeka n Uea te Atua?” ao “Tera ae E na Kakororaoia Ana Tautaeka n Uea te Atua?”