N Tianuare 27, 2023 ao a mwaiti aomata ake a na bukamarua kauringaan te International Holocaust Remembrance Day. Mwakuri n tiritiri ake a karaoaki n te maan ae raka i aon 75 te ririki n nako, a na bae ni karioa te titiraki n am iango bwa e aera ngke e kariaia rikin te Holocaust te Atua.

•   Ibukin neneran ana taeka te Baibara i aon aei, wareka te kaongora ae “E Aera Ngke E Riki te Holocaust? E Aera Ngke E Aki Katokia te Atua?”

 A rangi n rotakibuaka I-Iutaia n te Holocaust. Mirion mwaitiia ake a baireaki taekaia bwa a na tiringaki iai. Iai naba baronga n aomata tabeua ake a taaketenaki ao n tiringaki n te Holocaust. A bwainikirinaki naba iai Ana Tia Kakoaua Iehova ibukin aia onimaki ae boto i aon te Baibara.

•   Ibukini kamatataana riki, wareka te kaongora ae “Tera ae Riki Nakoia Ana Tia Kakoaua Iehova Ngke A Tiringia I-Iutaia Taian Nazi?”

 A mwaiti ake a maaka manga rikin te mwakuri n tiritiri n aron te Holocaust. Ti kakaitau n iangoan ae e nang aki manga riki aekan anne n taai aika a na roko.

•   “‘Bwa I ataa te bwai ae N na karaoia nakoimi,’ bon ana taeka Iehova, ‘N na anganingkami te rau ao tiaki te kabuanibwai, bwa e aonga n reke iroumi te bwai ae raoiroi nakon taai aika a na roko, ao te kantaninga.’”—Ieremia 29:11. a

 E na kakoroaki bukin anne ngkana e kamauna te buakaka te Atua ao ni manga kanakoraoi baike a a tia n rotakibuaka iai. E na waekoa ni:

•   Kamaunaia ake a kammarakiia tabemwaang n te aro n iowawa.—Taeka N Rabakau 2:22.

•   Kamarurungia ake a karawawataaki.—Te Kaotioti 21:4.

•   Kautiia nakon te aonnaba aei, ake a a tia ni mate.—Ioane 5:28, 29.

 Ko kona n onimakin taeka ni karaunano aika n te Baibara. Ngkana ko kan ataa bukina, ti kaoko bwa ko na kataa te reirei n te Baibara ae e aki kabooaki.