TE MWAKURI AE OKORO
Kangaanga ma Kaubwain te Aba—Te Bwai ae E na Karaoia Ana Tautaeka n Uea te Atua
A mwaiti aomata ni katobibia te aonnaba ae e a kangaanga irouia karekean te mwane ae tau ibukini maiuia—ao e tabe n ririkirake korakoran te kangaanga aei.
E oti n te ribooti a man te aonnaba n taai aika tibwa nako, bwa e a “karako mwaitini baika kona ni kabooi aomata man aia bwakabwai n te namwakaina koraki.” E kauring te ribooti anne bwa ngkana akea te bitaki nakon te kangaanga aei, ane e nang noraki riki ngkanne “korakoran te kaokoro i marenaia ake a kaubwai ma ake a mangori”, ao e nang kerikaaki “mweraoia aomata ni kabotauaki ma taai aika nako.”
A na kona tautaeka ni katoka te kangaanga aei ke ni kanakoraoia riki?
E katereterea te Baibara ae iai te tautaeka teuana ae e na boni kona ni kanakoraoi kangaanga nako ma kaubwain te aba, n ikotaki ma te kakaokoro i marenaia ake a kaubwai ma ake a mangori. E taekinna bwa “e na katea te tautaeka n uea teuana Atuani karawa,” ae te tautaeka ae tii teuana are e na taui aroni baika riki n te aonnaba. (Taniera 2:44) Akea ae e na mwanuokinaki ke ni katukaki taekana n te tautaeka anne. (Taian Areru 9:18) E na taraia raoi Ana Tautaeka n Uea te Atua bwa a na bane ana aomata n reke irouia baika a kainnanoi ibukini kukureia. A nangi bane ni karekei kakabwaia ibukin aia mwakuri korakora.—Itaia 65:21, 22.
a Ana ribooti te International Labour Organization Global Wage 2022-23