E a korakora karaoani mwakuri n iowawa irouia kaain te kaeng ni kakeru i aon Haiti. E a rotaki Aberika Maiaki ao Mexico n ikotaki naba ma aaba ake a mena i aan te Latin America, ni mwakuri n iowawa aika tiritiri. E ngae ngke e a kerikaaki karaoani mwakuri n iowawa n taabo tabeua, ma e ribootinaki bwa a teimatoa aomata n namakina te aki mweraoi ao te tabeaianga ae korakora, ngkana a ongo taekani mwakuri n ira, mwakuri n akiako nakon aia bwai te botannaomata ao ai kaurarakean taabo tabeua.

 Tera ae e taekinna te Baibara ni kaineti ma rikin te buakaka ni katobibia te aonnaba?

 E a kaman taekinaki n te Baibara bwa e na riki te buakaka bwa kanoan naba te kanikina ibukin “tain tokin te waaki ae ngkai i aon te aba.” (Mataio 24:3) E taku Iesu Kristo ngke e kabwarabwarai baike a na kaota te kanikina anne:

•   “E nang kerikaaki aia tangira angia aomata ibukin rikiraken te buakaka.”​—Mataio 24:12.

 E a kaman taekinna naba te Baibara bwa “ni kabaneani boong” ao a nang riki aomata bwa “taan aki taubaang, taan iowawa, [ao] taan riribaa te raoiroi.” (2 Timoteo 3:1-5) Anua ni bangaomata aikai, a a kauekei aroaro aika buakaka aika ti a nori ni boong aikai.

 Ma iai aan ara kantaninga. E berita te Baibara bwa e na waekoa ni kamaunaaki te buakaka.

•   “Ai tii teutana riki ao a nang akea aomata aika buakaka, ko na tarataraa aia tabo ao a na akea iai. Ma a na abana te aonnaba akana nimamannei, ao e na korakora kimwareireia n te rau ae bati.”​—Taian Areru 37:10, 11.

 Reiakina riki ana taeka te Baibara ibukin te kantaninga ao bukina ngkai ko riai ni kakoauaa ae baika ti a nori ngkai, a a kakoroi bukin ana taetae ni burabeti te Baibara. Rinanoni kaongora aikai.

 “A Real Hope for a Better Tomorrow”

 “What Is the Sign of ‘the Last Days,’ or ‘End Times’?”

 “Did the Bible Predict the Way People Think and Act Today?”