E TAKU Iesu n te taina: “E kakukurei riki te anga nakon te anganaki.” (Mwa. 20:35) E kaineti te koaua anne nakon ara iraorao ma Iehova. Bukin tera? E anganira Iehova bwaintangira aika bati aika ti kukurei iai, ma ti kona ni karekea te kukurei ae bati riki ngkana ti anganna ara bwaintangira. Tera ara bwaintangira ae ti kona n angan Iehova? E taku Taeka N Rabakau 3:9: “Karinea Iehova n am bwai aika kakawaki.” A irekereke ara “bwai aika kakawaki” ma ara tai, ara tarena, korakorara, ao kaubwaira. Ngkana ti kamanenai baikanne ni karikirakea iai te taromauri ae koaua, ti a angan iai Iehova te bwaintangira ao e a reke iai kukureira ae bati.

Tera ae e na buokira bwa ti na aki kaaki taekan ara bwaintangira nakon Iehova mani kaubwaira? E tuangia kaaini Korinto te abotoro Bauro bwa a na ‘kaokoroi aia bwai ni kawakin’ ibukin aia bwaintangira. (1Kor. 16:2) Tera ae ko kona ni karaoia ngkana ko kan atai riki rongorongon aanga ni bwaintangira n am tabo? Taiaoka n nora te bwaoki ae i nano.

A aki kona ni karaoaki bwaintangira n te intanete n aaba ni kabane. Ma iai aanga ni bwaintangira tabeua aika kona n reke n ara atureti n te intanete. N aaba tabeua, iai te kaongora ae a kona ni kaekaaki iai titiraki ni kaineti ma te bwaintangira.