Ti aki toki n ongo taekani baika karika aki nakoraoin taian utu. Ma baikara baika raraoi aika a buokaki iai utu ake a nakoraoi?

• E taboro mwaitin te buuraure n te United States i marenan 1990 ao 2015, irouia te roro ake e a riaon 50 aia ririki, ao e a taboroboro riki irouia ake e a riaon 65 aia ririki.

• A a mengomengo kaaro: Tabeman taan rabakau a kaungaa kamoamoaaia naati, ao tabeman a kaungaa riki te kairimatoa.

• A a ikawai naake a ataei riki ao a aikoa ataa aroni kanakoraoani maiuia.

Ma ni koauana . . .

• E kona n nakoraoi te tekateka n taanga ao n teimatoa.

• A kona kaaro n reireinia aroni kaetakia natiia ma te tangira.

• A kona naake a ataei riki ni karekea te rabakau ae a kainnanoia ngkana a ikawai.

N te aro raa? N te maekatin ae te Taratara! aei ao a na maroroakinaki iai aanga aika 12 ibukini kanakoraoan te utu.