TE TAUA-N-TANTANI (KAONGORA IBUKIN TE REIREI) Mei 2020
Iai n te maekatin aei kaongora ibukin te reirei ibukin Turai 6–Aokati 2, 2020.
“Ueani Meang” n Tain te Toki
Kaongora ibukin te reirei 19: Turai 6-12, 2020. Ti nora koauan ae e bon tabe naba ngkai ni kakoroaki bukin ana taetae ni burabeti Taniera ibukin “ueani meang” ao “ueani maiaki.” Ti kangaa ni kakoauaa anne? Ao e aera bwa ti riai n ataa raoi nanon te taetae ni burabeti anne?
Ueea Aika Kaiangatoa i Marenaia n Tain te Toki
Te taetae ni burabeti ibukin “ueani meang” ao “ueani maiaki” a riki n te tai ae tii teuana ma taetae ni burabeti ake tabeua. A kangaa ni kaotaki n taetae ni burabeti aikai bwa e a kaan tokin te waaki ae ngkai?
Antai “Ueani Meang” ni Boong Aikai?
Kaongora ibukin te reirei 20: Turai 13-19, 2020. Antai “ueani meang” ni boong aikai, ao e na kangaa ni kamaunaaki? Ataakin te kaeka ibukin anne, e kona ni kakorakoraa ara onimaki ao ni buokira ni katauraoira imwaini baika a na riki n te tai ae e a kaan roko.
Ko Kakaitau ni Bwaintangira Ake Mairoun te Atua?
Kaongora ibukin te reirei 21: Turai 20-26, 2020. E na buokira te kaongora aei ni karikirake ara kakaitau ibukin Iehova ao n ana bwaintangira tabeua ake e anganira. E na buokira naba ni kaineti ma arora ni maroro ma naake a nanououa bwa iai te Atua ke akea.
Kaota Am Kakaitau Ibukini Baika Kakawaki Aika Aki Kona n Noraki
Kaongora ibukin te reirei 22: Turai 27–Aokati 2, 2020. N te moani kaongora, e maroroakinaki iai baika kakawaki tabeua ake e anganira te Atua aika kona n noraki. N te kaongora aei, e na kaatuuaki riki iai taekani baika kakawaki aika ti aki kona n nori, ao arora ni kaota ara kakaitau iai. Ti na buokaki naba iai ni karikirakea ara kakaitau nakon Iehova ae te Atua are anganira baika kakawaki aikai.
