TE TAUA-N-TANTANI (KAONGORA IBUKIN TE REIREI) Tun 2020
Iai n te maekatin aei kaongora ibukin te reirei ibukin Aokati 3-30, 2020.
“E Bia Katabuaki Aram”
Kaongora ibukin te reirei 23: Aokati 3-9, 2020. Tera te bwai ae kakawaki ae a bane n irekereke iai aomata ao anera? E aera ngkai e rangi ni kakawaki, ao tera irekerekera iai? Ataakini kaekaan titiraki akanne ao tabeua riki, e na buokira ni kakorakoraa ara iraorao ma Iehova.
“Katiteuanaa Nanou Bwa E na Maaka Aram”
Kaongora ibukin te reirei 24: Aokati 10-16, 2020. N te kaongora aei, e na kaatuuaki iai taekani mwakoron ana tataro te Uea ae Tawita are koreaki n Taian Areru 86:11, 12. Tera ae nanonaki ni maakakin aran Iehova? E aera ngkai ti riai ni karinea te ara ane kakannato anne? Ao e na kangaa maakakin te Atua n riki bwa kamanoara bwa ti na aki bwaka n te kariri?
Titiraki Mairouia Taani Wareware
koaua bwa “uaan te taamnei” bon tii aroaro ake a karinanaki n I-Karatia 5:22, 23?
“Boni Ngai ae N na Kakaaeia Au Tiibu”
Kaongora ibukin te reirei 25: Aokati 17-23, 2020. E aera ngkai iai tabeman aika maan ni kakaonimaki ni beku ibukin Iehova ake a a manga beibetinako man te ekaretia? Tera ana namakin te Atua ibukia? A na rinanoaki kaekaan titiraki akanne n te kaongora aei. E na maroroakinaki naba iai reireiara man aron Iehova ni buokiia naake a karakinaki n te Baibara ake a tiotionako mairouna i nanon tabeua te tai.
“Kam na Okirai”
Kaongora ibukin te reirei 26: Aokati 24-30, 2020. E tangiria Iehova bwa a na okiria naake a a katoka reitakia ma te ekaretia. Ti kona ni kaungaia naake a kani butimwaea ana kakao Iehova aei: “Kam na okirai.” N te kaongora aei, ti na nora arora ni kona ni buokiia ni karaoa anne.
