Angina i buakora a a tia n nori mwakuri n ribuaka, ao n noriia aomata aika raoiroi ao aika akea aia bure ni karawawataaki irouia aika buakaka. Iai te tai ae e nang toki iai te ribuaka ma te buakaka?

Taian Areru 37 e kaekaa te titiraki anne ao e anga naba te kairiri ibukira n taai aikai. Nora ae taekinaki iai ni kaineti ma titiraki aika kakawaki aikai.

• Tera ae ti riai ni karaoia nakoia akana karawawataira?—Kibuna 1, 2.

• Tera tokia akana buakaka?—Kibuna 10.

• Tera aroia n taai aika imwaira akana kakaraoa ae raoiroi?—Kibuna 11, 29.

• Tera ae ti riai ngkai ni karaoia?—Kibuna 34.

E oti raoi n taeka aika kairaki koreaia aika n Taian Areru 37, aron te maiu ae kakukurei n taai aika imwaira ibukia akana ‘kabotoa aia kantaninga i aon Iehova ao ni kakairi ni kawaina.’ A kukurei Ana Tia Kakoaua Iehova ni buokiko n reirei ma ngkoe n te Baibara, ao n nora aroni karekean te maiu anne iroum ao irouia akana tangiraki iroum, n taai aika imwaira.