Tera am kaeka?

• Eng

• E aki

• Tao eng

Ae e taekinaki n te Baibara

‘Kabanei ami iango n raraoma ni kaaki i aon te Atua, ibukina bwa e mumutiakiningkami.’ (1 Betero 5:7) E kakoauaaki raoi n te Baibara bwa e kona ni buokiko te Atua ni kabebeteko man raraomam nako.

Tera riki reireiara man te Baibara?

• Rinanon te tataro ao ko a kona ni karekea iai “te rau are mairoun te Atua” ae e kona ni kauarerekea te raraoma.​—I-Biribi 4:6, 7.

• Irarikin anne, e kona ni buokiko warekan Ana Taeka te Atua bwa ko na tokanikai i aon te rawawata.​—Mataio 11:28-30.

A kakoauaa tabeman . . . bwa te raraoma ao te rawawata bon irian maiuia aomata, ao tabeman riki a kakoauaa bwa e tii kona n toki te raraoma n te aeka ni maiu teuana are imwin te mate. Tera ngkoe am iango?

Ae e taekinaki n te Baibara

E na katoki baika e rereke iai te raraoma te Atua. “Ao e nang akea riki te mate, ke te nanokawaki ke te tang ke te maraki.”​—Te Kaotioti 21:4.

Tera riki reireiara man te Baibara?

• A na maeka aomata ma te rau ao te mweraoi i aan Ana Tautaeka n Uea te Atua.​—Itaia 32:18.

• E nang aki manga noraki te raraoma ae riao ao te rawawata.​—Itaia 65:17.