TE TAUA-N-TANTANI (KAONGORA IBUKIN TE REIREI) Tebetembwa 2019
Iai n te maekatin aei kaongora ibukin te reirei ibukin Okitobwa 28–Ritembwa 1, 2019.
A Kakawaki Iroun Iehova Ana Toro Aika Nanorinano
Te nanorinano bon te aroaro naba teuana ae moan te kakawaki ae ti riai ni karikirakea. E na kangaa ni kataaki nanorinanora ni bitaki aika riki?
Aremaketon—Te Rongorongo ae Raoiroi!
Baikara baika kakawaki aika a na riki imwain Aremaketon? Ti na kangaa n teimatoa ni kakaonimaki ngkai e a kaan te toki?
Tauraoi n Aantaeka Nakon Iehova—Bukin Tera ao n te Aro Raa?
A kona unimwaane n te ekaretia, kaaro, ao tiina n reiakina te aantaeka man aia katoto te Kowana ae Neemia, te Uea ae Tawita, ao Maria are tinan Iesu.
“Nakomai Nakoiu . . . ao N na Motiki Rawami”
Tera ae irekereke ma butimwaean ana kakao Iesu? Ti na teimatoa ni kabebeteaki i aan amon Iesu ngkana ti karaoi baika tenua.
“Noriia te Koraki ae Uanao”!
N ana miitara ni burabeti Ioane, e kaotaraeia Iehova “te koraki ae uanao,” mwaitiia, ao kakaokoron aia reeti, ake a na maiu n te rawawata ae korakora ao ni maiu n aki toki i aon te aba.
