Ko a tia ni wareki raoi kaongora man Te Taua-n-Tantani n taai aika tibwa nako? Noria ngkana ko kona ni kaekai titiraki aikai:

Baikara bwaai aika aua ake ti kona ni kanakoraoa iai ara anene?

Ti kona ni kaetii ikara n arora n taua ara boki n anene i eta. Ti riai n ikeike raoi. Ngkana ti kaurea raoi wira ao n anene, ti a kona iai n anene n takarua riki.—w17.11, i. 5.

Tera ae riai n anaaki iai nanora ibukin taabo ao kawai nakoni kaawa ni kamanomano i Iteraera?

Iai kaawa ni kamanomano aika onoua ao a raoiroi kawai nako iai. Ngaia are e kona ni waekoa n reke kamanoan te aomata ao ni kai roko iai.—w17.11, i. 14.

E aera bwa ana bwaintangira te Atua ae te kaboomwi rinanon Iesu bon te bwaintangira ae te kabanea n raoiroi?

E anganira te bae ti tangiria ae te kani maiu n aki toki, ao e karekea te bae ti kainnanoia ae kainaomataara man te bure ao te mate. Ibukina bwa te Atua e tangiriia kanoan Atam, e a anga Iesu ibukira e ngae ngke taani bure ngaira.—wp17.6, i. 6-7.

E kangaa ni kaineti Taian Areru 118:22 nakoni mangautin Iesu?

E aki butimwaeaki Iesu bwa te Mesia ao e kamateaki. Ngkana e na riki bwa “atibun te maninganinga ae kakannato riki,” e riai ni kautaki.—w17.12, i. 9-10.

E koaua bwa te kanoa are e na riki mai iai te Mesia e onoti nakoia naake a anganaki rineia ni karimoa?

N tabetai, te kanoa are e riki mai iai Iesu bon te karimoa, ma tiaki n taai nako. Bon tiaki te karimoa natin Iete are Tawita, ma e ngae n anne e riki te Mesia mairouna.—w17.12, i. 14-15.

Baikara ana boto n reirei te Baibara ibukini kawakinan te marurung?

I aan te Tua, a riai n teimatoa ni kaokoroaki naake iai aorakia. A riai n tebotebo aomata imwin ringan te mate. E riai n taunaki raoi nakotaaria aomata. E riai ni korotobibiaki te teei ae te mwaane n ana kawanibong imwini bungiakina, bwa e a kona iai ni bwanin te raraa.—wp18.1, i. 7.

E aera bwa a riai Kristian n tangiriia i bon irouia n te aro ae riai?

Ti riai n tangiriia raora n aomata n aron tangirara i bon iroura. (Mareko 12:31) A riai buumwaane n “tangiriia buuia n aron tangiran oin rabwataia.” (IEbe. 5:28) E kona ni manga aki raoiroi tangirara i bon iroura.—w18.01, i. 23.

Baikara aanga tabeua ake ti kona ni karikirakei iai ara onimaki?

Ti riai n ukeuke n reirei n Ana Taeka te Atua ao ni kananoi ara iango ni baika ti wareki. Ti riai naba n teimatoa ni kauki ara iango ao nanora nakon ana kairiri te taamnei ae raoiroi ao ni butimwaei aia ibuobuoki tabemwaang ao ni kakaitau iai.—w18.02, i. 26.

E aera bwa kaiwanakin itoi ao taai aika a na roko bon tiaki kiingin ataakini kanoan taai aika a na roko?

A bati bukina, ma ae kakawaki riki a kabuakakaaki n te Baibara mwakuri akana uoua akanne.—wp18.2, i. 4-5.

Tera arora ae riai ni kaineti ma butimwaean te kakao nakon te amwarake?

Ngkana ti a tia ni butimwaea te kakao, ti riai ni kataia ni kakoroa bukin ara taeka. (TaiAre. 15:4) Ti riai n aki manga karautaeka ma tii ngkana iai bukina ae riai. E bae ni mwakuri korakora ni katauraoa te amwarake te aomata are kakao.—w18.03, i. 18.

Baikara reireiaia mwaane aika mwiokoaki man ana katoto Timoteo?

E tabeakinia raoi aomata Timoteo ao e moanibwaia te uarongorongo. E mwakuri korakora ibukin Iehova ao e maiuakin reirei ake e reiakin. E teimatoa ni kataneia i bon irouna ao e onimakina taamnein Iehova. A kona unimwaane n te ekaretia ao tabeman riki ni kakairi n ana katoto.—w18.04, i. 13-14.