Ngkana ti wareka te Baibara, ti kona ni kamanenai bwaai ni mwakuri aika kakaokoro, bwa ti na ota n te baere ti warekia. Ma ti aki tii ukeuke n reirei bwa e aonga ni bubura riki ara atatai i aon te Baibara. Ti kani kunei kaubwai n taamnei ibukin aroaron Iehova, aika a na karikirakea riki tangirana iroura. Ngkana ti karaoa aei, ti kona n titirakinira ni kangai, ‘Tera reireiau ibukin Iehova, ni mwakoron te Baibara aei?’

Ti kona n ukera te bwai ni kakoaua ae kaota ana tangira ae rianako Iehova, wanawanana, ana kaetitaeka ae riai, ao mwaakana. Ma tiaki tii aikai aroaron Iehova. A bati riki aroarona aika anainano. Ko na karekei ia taekan aroarona aikai?

Nori ake a koreaki ni karinanaki aika raka i aon 50 n te Watch Tower Publications Index i aan te atu n reirei ae “Jehovah” ao nora “Qualities by Name.” Karaoa am kakaae i aon aroarona ake a oti ni mwakoron te Baibara ane ko warekia. (Ngkana tii iai iroum te Research Guide for Jehovah’s Witnesses, nakon te atu n reirei “Jehovah God” ao nora “Jehovah’s Qualities.”)