Tera ae E Taekinaki n te Baibara?
Ti a maeka ngkai “ni kabaneani boong”?
Tera am kaeka?
Eng
Ti aki
Tao eng
Ae E Taekinaki n te Baibara
“A na roko taai aika okoro aika karuanikai, ni kabaneani boong.” (2 Timoteo 3:1) Te taetae ni burabeti man te Baibara, n ikotaki ma bwaai aika riiriki, e kaotaki iai bwa boni “kabaneani boong” ara tai aikai.
Tera riki reireiara man te Baibara?
E kanikinaeaki kabaneani boong n taiani buaka, roongo, mwaeiei, ao aoraki aika kamamate.
—Mataio 24:3, 7; Ruka 21:11. Ni kabaneani boong ao a nang rotaki aomata ni kerikaakin te aroaro ni maiu ae riai ao ni karakoni karaoan nanon te Atua.
—2 Timoteo 3:2-5.
Tera te kantaninga ibukia aomata nakon taai aika a na roko?
A kakoauaa tabeman aomata . . . bwa a na toki kabaneani boong ngkana e a kamaunaaki te aonnaba ma kaaina, ma a kantaningaia tabemwaang bwa e na nakoraoi riki te waaki. Tera ngkoe am iango?
Ae E Taekinaki n te Baibara
“A na abana te aonnaba akana raoiroi, ao a na maeka i aona n aki toki.”
Tera riki reireiara man te Baibara?
A na toki kabaneani boong ngkana a a kamaunaaki bwaai ni kabane aika bubuaka.
—1 Ioane 2:17. E na oneaki te aonnaba nakon te bwaretaiti.
—Itaia 35:1, 6.
Ko Bae Naba n Tangira
REIREI AIKA RANGI NI KAKAWAKI N TE BAIBARA
Bukin Tera Bwa E Karika te Aonnaba te Atua?
E onrake ara aonnaba ni baika tamaroa. E mena n te tabo ae bon tau raoi raroana man taai, e tei n rara n aron ae bon riai, ao e minomino ni butina ae bon riai raoi. Bukin tera bwa e kabanea ana tai ni karaoa te aonnaba?
