N te katoto, e kangai Sally * man te United States, ake a bua angiin ana bwai n te angibuaka: “I namakinna ae I a kaan aki konai moan au kangaanga. A bati boong ake e a boni kaan iai ae N nang taonakinako n au kangaanga.”

Ke tera arom ngkana e mate ae ko tangiria? E kangai Janice mai Aotiteria: “Ngke a mate natiu mwaane aika uoman, ai aron ae e a rangi n uruaki nanou iai ao I riai ni keiaki ibukina bwa e rangi ni kangaanga waakinani maiuu ma arou are mai mwaina. I onnonia te Atua ni kangai: ‘I a aki konaa moan rawawatau! Ani kariaia bwa N nangi mate. I a aki kani maiu.’”

N te itera teuana, e rangi n rawawata Daniel ngke e aki kakaonimaki nakoina buuna. E kangai teuaei: “Ngke e kaotia buu bwa e a tia n aki kakaonimaki, ao ai aron ae e a ewaraki buroou n te biti. E okioki marakiu aei, ao I tiku n arou aei i nanon iraua namwakaina.”

E na maroroakinaki n te kaongora ae n Te Taua-n-Tantani aei aroni manenan te maiu e ngae naba ngkana

• A riki kabuanibwai aika karina

• E mate ae ko tangiria

• E aki kakaonimaki buum

• Ko kaaitara ma te aoraki ae kakaiaki

• E a kangaanga aron te maiu

Ngaia are ti na noria moa bwa tera arora ni kekeiaki ngkana e riki te kabuanibwai ae karina.