Eng. Boni Kristian ngaira i aani bukina aikai:

• Ti kataia n toui raoi ana angareirei ao anuan Iesu Kristo.​—1 Betero 2:21.

• Ti kakoauaa bwa Iesu boni kiingin te kamaiuaki, bwa “akea te kamaiu iroun te aomata riki temanna, bwa bon akea te ara riki teuana i aon te aba ae a anganaki aomata, ae ti kona ni kamaiuaki iai.”​—Mwakuri 4:12.

• Ngkana a riki aomata bwa Ana Tia Kakoaua Iehova, a a bwabetitoaki iai n aran Iesu.​—Mataio 28:18, 19.

• Ti tataro n aran Iesu.​—Ioane 15:16.

• Ti kakoauaa ae Iesu bon Atun te mwaane, ke teuare e rineaki bwa e na kairiri i aoia mwaane nako.​—1 I-Korinto 11:3.

Ma e ngae n anne, a rangi ni bati naba baika ti kaokoro iai ma koraki n Aro aika arania naba bwa Kristian. N te katoto, ti kakoauaa ae e angareirei te Baibara bwa Iesu bon Natin te Atua, ao tiaki kanoan te Temanna n Teniman. (Mareko 12:29) Ti aki kakoauaa ae e aki mamate te taamnei, ao ti aki kakoauaa naba ae iai kiibu n te Baibara aika a taekinaki iai bwa e kammarakia aomata te Atua n aki toki i moone, ke a riai n anganaki taian nakoa naake a kairiri n te Aro ao a na karietataaki i aoia aomata.​—Te Minita 9:5; Etekiera 18:4; Mataio 23:​8-10.