E mena kautun ara botaki n te United States i Amerika. Ma tiaki ngaira te koraki n Aro mai Amerika i aani bukina aikai:

• A kabwarabwaraa tabeman te taeka ae te koraki n Aro, bwa te kurubu ae raurenako man te Aro teuana. E aki raurenako Ana Tia Kakoaua Iehova mani koraki n Aro ake tabeua. Ma ti kakoauaa bwa ti a manga kaoka te Aro ni Kristian are waakinaki n te moan tienture.

• A uauarongorongo Ana Tia Kakoaua Iehova n aaba aika raka i aon 230. N aki ongeia bwa ti maeka ia, ma ti kabanea korakorara ibukin Iehova ae te Atua ao Iesu Kristo, ma tiaki nakon te tautaeka n Amerika ke te tautaeka n aomata riki teuana.​—Ioane 15:19; 17:​15, 16.

• A boto ara angareirei ni kabane i aon te Baibara, ao tiaki i aon aia koroboki tabeman mataniwin te Aro n te United States.​​—1 I-Tetaronike 2:13.

• Ti kakairi iroun Iesu Kristo, ao tiaki iroun te tia kairiri temanna ae te aomata.​​—Mataio 23:​8-10.