E Aera Ngkai Ti Tataro Rinanon Aran Iesu?
Ana kaeka te Baibara
Ti riai n tataro nakon te Atua rinanon aran Iesu bwa bon tii aei te kawai ae kariaia te Atua bwa E na kawaraki iai. E taku Iesu: “Boni ngai te kawai ao te koaua ao te maiu. Akea ae e na nakon te Tama ma tii ane e rirou.” (Ioane 14:6) E tuangia naba Iesu ana abotoro ake a kakaonimaki ni kangai: “I tuangingkami raoi te koaua, bwa ngkana kam butiia te Tama te bwai teuana n arau, ao ane e na anganingkami.”—Ioane 16:23.
Bukina riki ae ti riai iai n tataro rinanon aran Iesu
Ti karinea iai Iesu ao Tamana, ae Iehova ae te Atua.—I-Biribi 2:9-11.
Ti kakaitau iai ni maten Iesu, are ana bwaintituaraoi te Atua ibukini kamaiuara.—Mataio 20:28; Mwakuri 4:12.
Ti karinea iai mwiokoan Iesu ae okoro ae te tia raoi i marenan te Atua ma aomata.—Ebera 7:25.
Ti karinea iai mwiokoan Iesu ae te Ibonga ae Rietata, are ngaia ae kona ni buokira ni karekea taraakira ae raoiroi i matan te Atua.—Ebera 4:14-16.
Ko Bae Naba n Tangira
TITIRAKI AIKA KAEKAAKI MAN TE BAIBARA
I Riai n Tataro Nakoia Taian Santo ke Santa?
Nora ae taekinaki n te Baibara ni kaineti ma antai ae ti riai n tataro nakoina.
TE TAUA-N-TANTANI
E na Kangaa n Ongoraeaki Am Tataro?
Taetae nakon te Atua n taabo nako ao n taai nako, ni kabaibati ke ni karaurau. E buokira naba Iesu n atai baika ti na taekin.