Kọ̀láá nen ólò gbĩ́ gè bã̀àà kóò gbò e bà ló kà kà bel. Jìhóvà gbĩ́ kọọ̀ pá a kóò á lo nágé kà kà bel. Sõò náa ólò bọọgẹ̀ valí gè naa vó mm̀ bàlà boó e gã́bug nen náa ólò ló kà kà belí. Mókà gbò bélè ní eé íé lọl ló gè ló kà kà bel mm̀ kọ̀láá kà nu ẽ́?

1. Éé ní ea náa vaá à palàge dú bíi kọ é ló kà kà bel é?

Tṍó e lóò kà kà bel nè dõòna gbò, è zógè kọọ̀ è vulè vaá fã̀ dẽè Jìhóvà. Ni bugi togó boo níí: Jìhóvà nyímá kọ̀láá kà nú e bugì togó boo vaá naa. (Híbrù 4:13) À ólò mòn tṍó e saà ge ló kà kà bel, vaá nyíée ólò ẹẹ tṍó e náà vó. Kpá Káí kọ́ọ̀: “Jìhóvà ọ́bví neǹ kẹ̀lẹ̀, sõò à ólò zọ̀ nen ea tõo lèlà bã̀àà díì díílá kóò.”—Próvẹẹ̀b 3:32.

2. Mókà gbò sĩ́deè ní eé láá ló kà kà bel mm̀ gbò nú e náà buù dee é?

Jìhóvà gbĩ́ kọ é ‘ló kà kà bel nè ene.’ (Zèkàráíà 8:16, 17) Éé ní e níí tõó dọ̀ ẹ? Kọbèè è gé zọ pá bẹẹ tọ, gbò e ólò zọ̀ siá tóm, pá vígà págbálà nè pábia mm̀ bõ̀ònatõ̀ò, àbèè gbò e bà ólò sí tóm nè kpóó ea gé bẹl loá bel, née é kpọ́ kyáá bel àbèè ge ló gbò bel e náa dú kà kà nèva. Gbò e bà ólò ló kà kà bel náa ólò zìb nu àbèè ge gĩimá nen. (Bugi Próvẹẹ̀b 24:28 nè Ẹ́fẹsọ̀s 4:28.) Vaá bà ólò kpẽ́ kọ̀láá kà kpègè gbáá e bà síi. (Róm̀ 13:5-7) Mm̀ nagbò sĩ́deèí nè gbò ńdõòna kà, è zógè kọọ̀ “à taníi gè naa nu ea lelà kọ̀láá tṍó.”—Híbrù 13:18.

3. Mókà gbò bélè ní e ólò ié lọl ló gè ló kà kà bel é?

Tṍó e bà nyímái ló naamá gbò e ólò ló kà kà bel, à ólò naa kọọ̀ dõòna gbò á dẹlẹ́i nyíé boo. À ólò naa kọọ̀ dénè nen ea di mm̀ bõ̀ònatõ̀ò á ié kpènà, vaá tõ̀òà dì belí pá tọ e bà vulà. È ólò ié õ̀òa bug. Tṍó e lóò kà kà bel, àé “nveè ka ló nòòmànù Bàrì,” vaá naa kọọ̀ dõòna gbò á dù gé fã̀ Jìhóvà.—Táítọ̀s 2:10.

 KPÁÁ NÓ BỌ̀Ọ̀VẸ̀

5. Ló kà kà bel kọ̀láá tṍó

 6. Ge ló kà kà bel ólò dọ̀ bélè nèi

Túá ból, àé láá belí kọọ̀ ge ló kà kà bel é man tã̀àgã̀ nèi. Sõò, níà kà lé nu gè naa ẽ́. Bugi Psalm 34:12-16, vaá ò gbóó aalai nakà bíbví:

• Mósĩ́ deè ní e gè ló kà kà bel ni náa kọọ̀ nu á leé ní ló é?

1. Dóm nè va e bà ló kà kà bel nè ene ólò siè kpóó ló ba ílà dóm nè va

2. Tẹ̀ tóm ólò dẹlẹ nyíé boo pá a gbò tóm e bà ló kà kà bel

3. Gbò e bà ló kà kà bel ólò ié lé bée kèsĩ́ gbò e bà gé sí tóm nè kpóó ea gé bẹl

 NÚ E NI NÓ

Jìhóvà gbĩ́ kọọ̀ pá a kóò á ló kà kà bel mm̀ kọ̀láá kà nú e bà náa.

Ge Òòa Boo

• Mókà gbò sĩ́deè ní e nen é láá loomá kà kà bel é?

• Éé ní ea náa vaá gè kpọ́ kyáá bel à dú pọ́lọ́ ẹ́?

• Éé ní ea náa vaá à bọ́ló kọọ̀ ó ló kà kà bel kọ̀láá tṍó ẽ́?