Ge Tení Ló 6 Kpò Tẹlẹ Bàlà Kẽ
Dee-deè nvée, tṍó e pá Ízrẹẹ̀l íná boo Kunukẽ̀ Zìgànùa, tọ kàn káí ní ea beè gbóó dú kĩée e dénè nen ólò sì gé fã̀ Bàrì e. Gbò vààla gyọ́ọ ólò noomà Log Bàrì, vaá gbò bèèla ne tùle. Na kpòí ló bel boo nú e béèlàfùl nè láb e nen lábví é láá naá ló dõona gbò. A beè dú bíi kọọ̀ buù neń ea dú Ízrẹẹ̀l á bọ́ló dẹ̀lẹ̀ nyíé boo nè Jìhóvà vaá bọná gé ló dẹ̀lẹ̀ nyíé boo nè dõona gbò. À kọ́ nágé nú e láb Dẹ̀bórà, Nàómì, Jóshùà, Hánà, sílà Jẹ́ftà, nè Sámùẹ̀l beè naá ló gbò e bà di gbò boń e ba beè dì. À tẹ́lẹ̀ nàgé bàlàkẽ kọọ̀ Réhàb, Rúùt, Jéẹ̀l, nè pá Gíbìòn e bà náa beè dú Ízrẹẹ̀l beè gbaá ló pá Ízrẹẹ̀l, boo béè kọ ba beè nyimá kọọ̀ Bàrì dì vá ló.
GBÒ TOGÓ BEL EA DI MM̀ NA KPÒÍ
30 NU GÈ NÒ
Réhàb Gṍ Gbò E Bà Géè Ẹ̀b Kẽ
Gbọọ́ Jérikò beè kõoá. Sõò tọọ̀ Réhàb beè gbẹá élá-èla náa kal ló béè ko a beè di boo gbọọá.
31 NU GÈ NÒ
Jóshùà Nè Pá Gíbìòn
Jóshùà tãagã ló Bàrì kọọ̀: “Nàànì, elá tẽ̀ènè dọ̀!” É kọ Bàrì beè aalá?
32 NU GÈ NÒ
Ãa Neǹ Tùle Nè Bàà Kà Pábia E Bà Íe Agẹ Ló
Tṍó e Jóshùà ú, pá Ízrẹẹ̀l beè gbóó dààmà togó gè fã̀ gbò ńbàlì e bà náàmà bá. Dùm beè tàvàlà vá ló, sõò Bàrì beè tú Neǹ Bèèla ea kọlà Béràk, Dẹ̀bórà ea dú pábia ea géè kọ́ bùlà Bàrì, bií ló Jéẹ̀l nè a kpóó ńgà ea ólò di ló tọ kàn dùùmà va!
33 NU GÈ NÒ
Rúùt Nè Nàómì
Bàà kà pábia e ba dóm beè ù ooà kil Ízrẹẹ̀l. Enè ọ̀và ea kọlà Rúùt beè àà kil ól gé sí tóm vaá Bóàz beè nyimáe ló gbẹá kĩá.
34 NU GÈ NÒ
Gídiòn Beè Bé Pá Mídìàn Èlbá
Tṍó e pá Mídìàn ni náa kọọ̀ nu á palàge tàvala ló pá Ízrẹẹ̀l, pá Ízrẹẹ̀l à gbóó bàn Jìhóvà kọ á nveenìè bá neè va. Mósĩ́ deè ní e ńkem̀ gbò bé e Gídìon beè faalá beè láá bé èlbá 135,000 gbò bé pá Mídìàn ẽ?
35 NU GÈ NÒ
Hánà Ban Bàrì Kọ Á Neèe Ene Kà Nvín Págbálà
Ẹ̀lkénà fáálá Hánà, Pènínà, nè pá a nvín kilma to kàn káí ea di Sháílò gé fã̀àmà Bàrì. Hánà beè tõó kĩá tãagã ló Bàrì kọ á neèe nvín págbálà. Tṍó e enè gbáá téní, a beè gbóó màn Sámuẹ̀l!
36 NU GÈ NÒ
Nú E Jẹ́ftà Beè Zìgà
Éé ní e Jẹ́ftà beè zìgà ẹ, váà ló éé? Sílà Jẹ́ftà beè labví láb naa và kilma ló nú ea tẹ̀ beè zìgà ẹ?
37 NU GÈ NÒ
Jìhóvà Ló Bel Nè Sámuẹ̀l
Bàà kà nvín Ílaì ea dú Pọ́b Neǹ Vààla Gyọ́ọ beè dú gbò vààla gyọ́ọ e bà géè sí tóm mm̀ tọ kàn káí, sõò bà náa beè gbàntṍ ló log Jìhóvà. Sámuẹ̀l náa beè labví láb belí va, náa kal ló béè kọ a beè di-dí pá nvín, vaá Jìhóvà beè ló bel nèe.
38 NU GÈ NÒ
Jìhóvà Náa Kọọ̀ Sámsìn Á Ié Kpóó
Bàrì beè naa kọọ̀ Sámsìn á ié kpóó gè beemá pá Fìlístìà, sõò tṍó e Sámsìn ne pọ́lọ́ béèlàfùl, pá Fìlístìà beè gbóó siíe.
