Níì vó nì. Pọ́lọ́ Nyómá náa beè kọ́ nè Íìv kọọ̀ be à dé ból ea dú bè té e Bàrì beè kọ bàá gá dèa, mè àé bélí kọ à ú sõò báà sĩ́ ea dúé ló e dẽè nen náa moàa (e sìgà gbò deè nieí kolíe ból nyíe e bè náa ólò ù) é kilsĩ́ gè tõó dùm dõòna ketõ̀ò. Ge ló bel tenmá gã́ naanà, Sétàn túúmá kọọ̀ be Íìv dé ból ea dú bè téá, ‘mè náa é ú.’ À géè kọọ̀ Íìv é kilsĩ́ gè tõó dùm, vaá dé kpéè boo kunukẽ̀í e bè náa é dí kè kẽè Bàrì.—Jén. 2:17; 3:3-5.

Be à gá náa vaá kyáá nòòmà nù ge kọọ̀ ból nyíè nen náa ólò ù, e bà gé nóòmà deè nieí náa beè dààà togó aa mm̀ gònò Ídèn, mó tṍó ní ea beè dààà togó é? Née é láá kọ̀. Sõò è nyímà kọọ̀ dénè kyáá fã̀ beè tení tà mm̀ Tù Múú ea beè naaá deè Nóàa. Náa beè íe tọ́ọ̀ kà kyáá fã̀ ea beè láá fùl zelí bá Tù Múú ea beè naaá deè Nóàa boo béè kọọ̀ áá Nóà nè pá a tọ—e bà géè fã̀ Bàrì mm̀ sĩ́deè ea lelà—ní e ba beè dùùà ẹ.

Boo béè vó, nòòmà nù ge kọọ̀ ból nyíè nen náa ólò ù beè láá dààà togó tṍó e Tù Múúá nááá lọ̀l. Tọ́ọ̀ kà bàà-bàà bùlà á gé ló kọọ̀ gbò nen beè dààmà togó gè ié bug kọọ̀ ból nyíè nen náa ólò ù tṍó e Bàrì ni gyue dém bel gbò nen gbẹá Babel naa ní e bà zaalà “zivèkà boo kunukẽ̀íá.” (Jén. 11:8, 9) Náa kal ló béè tṍó e kyáá nòòmà nùí beè dààà togó, è palàge àgala boo kọọ̀ Sétàn ea dú “tẹ̀ kyáá bel,” ní ea di nvéeé vaá à leemáe gè mòn kọ à zaalà tení ló kẽ.—Jọ́ọ̀n 8:44.