É kọọ̀ o beè láá tú ọ̀ẹ̀ dẽe bùgmà gbò Kpá Tọ Kùdẽe Ló e ba beè emí gbááí? Ẹ̀b be òé láá aalá gbò bíbví:

Mókà tã́áná dee bá ní eé íe be è noo tṍó loomá bel nè Jìhóvà, pãanée tṍ ló, vaá bugi togó boo gbò nú ea kilíé ló é?

Èé ne lé béèlàfùl, dú lé neǹ nòòmànù, ié agẹ zìgà, vaá vulè e íè kilma ló Jìhóvà é kpáá palàge aga ló.​—w22.01, 30-31 náásĩ́.

Mósĩ́ deè ní e gè nó gè dẹlẹ nyíé boo Jìhóvà nè gbò e ẹlẹ beè íbá ló e bà di boo kunukẽ̀í é láá nvèè bá nèi ẽ́?

Kátogóí ní eé láá nó gè dẹlẹ nyíé boo Bàrì e, vaá náa bọ́ló kọ é ié bàà-bàà bùlà kilma ló gbò tule nè béèlàfùl e gbò kànen né mm̀ bõ̀ònatõ̀ò. Tṍó e pọ̀b kpo tã̀àgã̀ é nááá, èé dí kpènà ló ge gbàntṍ ló gbò tùle e bà néi, kọbèè a tavàlà ge dã́tẽ́ ló àbèè ge siimá tóm.​—w22.02, 4-6 náásĩ́.

Éé ní e nyómá tómá géè kọ̀ tṍó ea kọ́ nè Zèkàráíà nú ea kil ló “díí gè dòòmà nu ea di bá [Méné] Zèrúbabẹ̀l” ẹ? (Zèk. 4:​8-10)

Mòànù dẽeí beè naa kọọ̀ gbò gyóòlo Bàrì á àgala boo kọọ̀, kọ̀láá bé e bà ẹb tọọ̀ káíá kilma kẽ naa, bàé tib lọl dẽe vaá àé gbááá ló nòòkúù Jìhóvà.​—w22.03, 16-17 naasĩ́.

Mósĩ́ deè ní eé láá zogè lé ‘nu dòòmà bá tení dú bá e lóòmà bel’ e? (1 Tím. 4:12)

È ólò tú gbọ́ọ́-gbọọ̀ ló nè fã̀ dẽe loomá bel tṍó e gé kọ́ kpẹ̀a, ọlí sọ́l lọa nyíe, aalá bel gbẹá nònù, ló kà kà bel, vaá ló bel mm̀ sĩ́deè ea é síè kpóó ló dõòna gbò, nè ge òòà aa ló kọ̀láá íb ge òn nen.​—w22.04, 6-9 naasĩ́.

Éé ní ea náa vaá gbò nú ea doà bá ténì kà nom̀ kọ̀l (ea dú gbò boǹ méné) e kpá Dániẹ̀l 7 togó kọ́á à gbá di ló ene kà nom̀ kọ̀l e kpá Kùùà Nù 13:​1, 2 baatẽ́ nú ea kil lóá ẹ́?

Nom̀ kọ̀l e kpá Kùùà Nù 13 togó kọ́ nú ea kil lóá, náa tõó dọ̀ áá ene kà boǹ méné, dì belí Róm̀. Tãa vó, à tõó dọ̀ dénè kpóó bẹlbẹ̀l ea ni lẹẹlà bel ló gbò nen.​—w22.05, 9 naasĩ́.

Éé ní e beè náa è zógè kọọ̀ è dẹlẹ̀ nyíé boo bé e Jìhóvà béélá bel naa ẽ́?

Beè nen oníi, naa nú ea kyẽ́i, àbèè ge síi pọ́lọ́, née é nveè súng àbèè ge ká súng gbẹá gbàà, tãa vó, èé tú kọ̀láá kà gbẹẹ́ bá Jìhóvà. Àé lọl kọ̀láá kà tã̀àgã̀ ea beè bã kẽ tení dú ló náàkyọ̀.​—w22.06, 10-11 naasĩ́.

Éé ní ea bọ́ló kọọ̀ neǹ vígà á sẹ̀ẹ̀a bùlà tṍó e bà kọ́ á tãagã ló Bàrì e?

Náa bọ́ló gè tú tã̀àgã ló Bàrì nèèmà nègã́ àbèè ge dùùmà bá deè tṍ nen gbẹá nònù. Náa dú bíi kọọ̀ nen ea é tãàgã ló Bàrì á ló ‘gã́bug bel,’ bọọ èlmà tõ̀o tṍó e nònù é gé dààmà togó. (Máát. 6:7)​—w22.07, 24-25 naasĩ́.

Mósĩ́ deè ní e “gbò e ba è naa pọ́lọ́ é kẽeà bã bá bèèla bel” é? (Jọ́ọ̀n 5:29)

Bà náa é béélá va bel ló dẹ̀ẹ̀a boo láb e ba beè olòó labví tṍó ea kil nvéeá. Bàé dó va ẹ̀b vaá beelá va bel ló dẹ̀ẹ̀a boo láb e bà lábví tṍó e ba ni kẽeà aa kemà ú.​—w22.09, 18 naasĩ́.

Mókà bel ẹ́ẹ́-ẹẹ̀ nyíe ní e J. F. Rutherford beè ló gbẹá pọ̀bkà bõ̀ònaló ea beè sẹ̀ẹ̀a ló September 1922 e?

Gbẹá pọ̀bkà bõ̀ònaló ea beè sẹ̀ẹ̀a gbẹá Cedar Point, Ohio, U.S.A., a beè kọọ̀: “Ménéá gé bẹl! Boolo ní eo é kọ́i nei kọ̀láá nen ẽ́. Vóà naa, veelii, veelii, veelii Ménéá nè a Boǹ Méné!”​—w22.10, 3-5 naasĩ́.

Mókà taà sĩ́deè ní e kpá Àìzáíà 30 togó kọ́ọ̀ Bàrì ólò nvèè bá nèi kọbé è láá ĩ̀ìmà gbò tã̀àgã̀ e gé téní bá ẹ́?

Nakà dọ̀ Kpá Káíí zógè kọọ̀ à ólò (1) pãane tṍ ló vaá aalá bẹẹ tã̀àgã ló, (2) nei tùle, vaá (3) tãanèi dee bá kátogóí vaá àé náa nagá vó dì deèsĩ́.​—w22.11, 9 naasĩ́.

Éé ní ea náa vaá èé láá kọọ̀ gbò moǹ bel ea di mm̀ kpá Psalm 37:​10, 11, 29 beè mm-má tṍó ea kil nvéeá vaá àé ḿḿ-má dì deèsĩ́ ẽ́?

Gbò bel e Dévìd lóá zógè bé e nu beè lee ló pá Ízràẹ̀l naa tṍó e Sólomòn géè bẹ̀l. Mm̀ a 11 gã́bel, Jíízọ̀s géè ló bel kilma ló bé e Páladaìs é meà naa. (Máát. 5:5; Lúùk 23:43)​—w22.12, 8-10, 14 naasĩ́.