Enè dee, ene kà vígà pábia ea ólò tõó New Zealand beè ẹ̀b vídiò ea kọlà, “Have . . . Concern for One Another,” ea zógè bé e Jìhóvà ólò ié tóè sàn vaá nvèè bá nè gbò nen naa. (Àìz. 63:​7-9) A beè beeláfùl ge tú nu ea nó siimá tóm tení dú ló gè nvèè bá nè gbò nen. Sìgà tṍó aaló tṍóá, a beè àà gé zalí nu vaá a beè mòn ene kà ńnváá e náa íe tọ gè tõó m, vaá a beè kọ́ nèe kọ àé zálìè gyã́á neèe. Ńnvááá beè zìgà. Tṍó e vígà pábiaí ni tú gyã́áá nèe lọ̀l, a beè kọ́ kpẹa nèe, vaá zogèe nu ea di mm̀ trákt ea kọlà, É Kọ Mòn Tã̀àgã̀ Gé Íná Gé Kùbmà?

Ńnvááá beè gbóó tò. A baatẽ́ kọọ̀ ba beè bumàé mm̀ kà-kàí, sõò a dú gã́bug gbáá e náa ólò sinàè nònù. Mm̀ gbò tṍóá, à géè ãàa ban Jìhóvà kọ á nveenìè bá neèe kọbé à láá kpáá fãèe. Vígà pábiaí beè nèe Kpá Káí vaá noo gè zọ̀ẹ noá nu. a

Èé láá nó bé e Jìhóvà ólò ié tóè sàn kilma ló gbò nen naa, tení dú ló gè nvèè bá nè gbò e bà dṹùnài nè pá vígà e bà di mm̀ bõ̀ònatõ̀ò. Èé láá zogè nàgé kọ è íè tóè sàn tení dú ló gè tú kọ̀láá kà nèà deè e íè kọọmá kpẹa nè gbò nen.