Níì áá gbẹá nònù, àsémblì, nè pọ̀bkà bõ̀ònaló ní e ólò tõo fã̀ Jìhóvàẹ nì, è ólò fã̀ nàgé Jìhóvà boo bẹẹ lóó nè tṍó e bṍònà dì belí pá tọ. Nee sìgà lọ̀ọ̀gà bùlà ea é láá nvèè bá nè ni tṍó eo gé nó nu boo o lóó nè tṍó eo gé sẹlẹi fã̀ pá tọí:

• Kpoogá dee ló nyòòmà nònù. Òé láá nó bẹẹ gbò sọ́l vaá nvèè bá nè buù nen ea di bọọ tọ kọ bàá kpoogá dee ló nyòòmà ge aalá bel gbẹá nònù.

• Bugi nòòtẽ́ ea di mm̀ Kpá Káí. Tṍó eo ni náa vó lọ̀l, dòòmà dẽe ló vaá ò tã́ nú ea beè naaá mm̀ nòòtẽ́á àbèè ò émí nú eo nóò lọl ló nu eo géè bugiá.

• Bugi tã̀àgã ló Bàrì ea di mm̀ Kpá Káí vaá ò bugi togó boo bé eo é láá tú gbò nú eo nóò nvee mm̀ o tã̀àgã ló naa.

• Ẹ̀b ene kà vídiò ea di boo jw.org vaá ò zọ dõona gbò loá bel boo, àbèè ò émí nú ea kil ló dẽè kpá.

• Kpoogá dee lò nyòòmà ge kọ́ kpẹ̀a, be à sẹlẹ òé láá teníí boo bá eo é kọ́ọmai kpẹ̀a gbẹá tọ.

• Ẹ̀b gbò nú e Jìhóvà beè dèm vaá ò bugi togó boo gbò nú ea nóòmà ni kìlmàé ló. a