Nú Ea É Nveè Bá Nè Ni Tṍó Eo Gé Nó Nu
Sà Togó Bel Ea Palàge Dú Ni Bíi Ló Gè Nò
Née ólò ié gã́bug tṍó eé nóómá nu boo bẹẹ lóó. Mósĩ́ deè ní eo é láá tú o tṍó siimá tóm boo bá ea bọ́ló é? Túá kà, tú gã́bug tṍó nè nú eo gé bugi. Àé palàge dọ̀ bélè ne ni be ò dĩinè ló nó pọ́ì ńkem̀ nu èlmà ge tú gbala-gbala bùgmà gã́bug nu.
Noo sìgà nú ea palàge dú bíi sẹ̀ẹ̀a sĩ́. (Ẹ́fẹ. 5:15, 16) Bugi togó boo nakà gbò lọ̀ọ̀gà bùlàí:
Bugi Kpá Káí kọ̀láá dee. (Ps. 1:2) Nòònù ge bugi Kpá Káí ea dì mm̀ bẹẹ nònù èèlè nyíè zẹ̀ẹ̀ sè dú kàlé sĩ́deè ge dààmà togó.
Tení boo Kpá Tọ Kùdẽe Ló e bàé nó sèa nè nú eé nó gbẹá nònù èèlè nyíè zẹ̀ẹ̀ sè. Di kpènà ló gè aalá bíb.—Ps. 22:22.
Piiga boo gè olòó bugi bẹẹ gbò kpá vaá ò ẹb bẹẹ gbò vídiò ea di boo jw.org.
Gbĩ́tẽ́ ló togó bel ea léémá ni. Òé láá gbĩ́tẽ́ ló nú ea kil ló gbò ànà-ànà eo gé téní bá, bíb e nóo láà dã́tẽ́ ló, àbèè togó bel ea dẹẹa boo Kpá Káí ea é léémá ni gè kpáá palàge dã́ból ló. Ge kpáá nyimá bé eo náa naa, sí kè kẽè “Bible Study Activities” ea di boo jw.org.
