Nú Ea É Nveè Bá Nè Ni Tṍó Eo Gé Gbĩ́tẽ́ Ló Nu
Gbò Nu Gè Naa Ea Dì Nè Gbò Pá Nvín
Gbò tẹ̀ nè kà íe gã́bug tóm gè sì, vaá níà ge noomà nú ea kil ló Jìhóvà ba gbò nvín. (Ẹ́fẹ. 6:4) Bõ̀ònatõ̀ò Jìhóvà a émí gã́bug kpá vaá naa gã́bug vídiò nè sọ́l kọbé à nveè bá nè gbò tẹ̀ nè kà kọ bàá láá noomà nuù ba gbò nvín. Mósĩ́ deè ní e gbò nuí é láá nvèè bá nè ni kọ bumá pá o nvín ẽ́?
Gbĩ́ gbò nu gè noomá nuí lọl boo JW.ORG. Nakà websiteí fáálá dénè kpá e ba beè emí, vídiò, nè nu e gbò pá nvín àbèè gbò nvín ãa é láá emí nu dẽe. a Kọbé ò mon gbò nuí, emí “Gbò Pá Nvín” àbèè “Gbò Nvín Ãa” mm̀ ńkpó gè gbĩimá nu.
Sà ní ea é léémá o nvín. Gbò tógó bel ea di kè kẽè “Gbò Pá Nvín” é láá nvèè bá nè ni kọ ó sà sọ́l àbèè vídiò ea é léémá o nvín. Kọbé ò láá mòn gbò nuí, gbĩ́ togó bel ea kọ́ọ̀, “Family Worship Project.”
Noo tṍó zọ̀ọ̀mà pá o nvín loomá sọ́l boo gbò nuí. Ó gá dõogẽ kọọ̀ pá o nvín á ẹ̀b gbò vídiòí àbèè ge nèva nu gè naa boo béè ge naa kọ bàá di mm̀ kíìli-kíìli. Tãa vó, zọ̀ o nvín lọá bel boo gbò nuí vaá ò nveè bá nèe kọ á bã̀àà kóò Jìhóvà.
a Dénè vídiò ea dì nè gbò nvín ãa di mm̀ JW Library,® sõò níì dénè ní ea íe ketõ̀ò ge emí nu àbèè ge tã́ nu ẽ́ nì.
