•  Gbò Bel Ge Dààmà Togó 2

•  Gbò Gyọ́ Ea Di Mm̀ Moǹ Bel Bàrì 3-5

  •  Lòbèl 3

  •  Gbò Lé Nu Ea Di Mm̀ Kpá Káí 4

  •  Bugì Kpá Káí 5

•  Nvèè Sĩ́ Ló Gè Kọ́ Kpẹ̀a 6-14

  •  Ge Dààmà Togó Loa Sọ́l 7

  •  Ge Sì Gé Kãa Nen 8

  •  Ge Naa Kọọ̀ Gbò Nen Á Nyoone Nvéè Kráìst 9

  •  Ge Baatẽ́ Gbò Nú Eo Zigà Ló 10

  •  Lòbèl 11

  •  Nú Ea Di M 12

  •  Bá Gè Naamá 13

  •  Ge Zogè Vídiò Nè Ge Nè Kpá 14

•  Ge Tõó Dùm Dì Belí Gbò E Gé Nyoone Nvéè Kráìst 15-16

  •  Nò Kpá Káí Bõ̀ònatõ̀ò 16

•  Gbò Bel Ge Nvèèmà Kùbmà Ló 17

•  Ge Lèèlà Nè Ge Le-le Dee Bá Nen 18

•  Tṍó 19

•  Tṍó E Nen Ea Gé Kudẽe Ló Sẹ́kiùt Kãa Bõ̀ònatõ̀ò 20

•  Sè Àsémblì Àbèè Pọ̀bkà Bõ̀òna Ló 21

•  Sè Sẹ̀lẹ̀nù Ge Kẽ̀èa Boo Ú Kráìst 22

•  Neǹ Kànen Ea Ólò Ẹ̀b Nú Ea Kil Ló Nònù Bẹẹ Dùm Nè Sìtóm Kọ̀ Kpẹ̀a 23

•  Neǹ Togó Té Nònù Bẹe Dùm Nè Sìtóm Kò Kpẹ̀a 24

•  Neǹ Kànen Ea Ólò Le-le Dee Bá Gbò E Bà Íe Nu Gè Naa 25

•  Ge Tõó Mm̀ Ńkem̀ Àn Ié Nu Gè Naa 26

•  Gbò Vídiò 27

1. Gbò tùle ea di mm̀ kpáí é nveè bá nè kọláá gbò e bà íe nu gè naa gbẹá nònù Bẹẹ Dùm Dìbelí Gbò E Gé Nyoone Nvéè Kiáìst. Gbò e bà íe nu gè naa á tení boo gbò tùle ea kil ló ba nu gè naa ea di mm̀ kpá ea kọlà Dùm Nè Kpá Bõ̀ònaló Sìtóm nè nakà kpáí besĩ́ bà kálá kpoogá dee ló nyòòmà ba nu gè naa. À dú bíi gè siè kpóó ló kọ̀láá nen kọ bàá nvèè bée ló gè ié nu gè naa. Gbò e bà ólò zọ̀i sí nònù é láá nvèè béé ló gè ié nu gè naa be bà ziga ló gbò nú e Kpá Káí nóòmà vaá bà tõó boo gbò nòòkúu ea di mm̀ Kpá Káí ea kuu gbò e bà gé nyoone nvéè Kráìst. Neǹ Kànen Ea Ólò Ẹ̀b Nú Ea Kil Ló Nònù Bẹẹ Dùm Nè Sìtóm Kọ̀ Kpẹ̀a á zọ̀ nen ea gáà du neǹ kọ̀ kpẹ̀a sõò à íe tàn ge nvèè bée kọbé à íe nu gè naa loá bel, vaá naa kọọ̀ á nyimá be à sim tùlà. Nen ea ólò noomàe Kpá Káí á di tõ̀ò tṍó ea gé náa vó (àbèè kọ a tẹ̀ àbèè a kà ea ólò sí nònù dí tõ̀ò). Gbò nú e bà é ẹbvíé boo á dú tẽ̀ènè kà nú e bà ólò ẹ̀bmà nen ea gbĩ́ gè dú neǹ kọ̀ kpẹ̀á ea gáà diia múú.—od 8 togó  8 kpò.

2. Ene kà mínìt. Buù sè, tṍó e baa ni ọ́lí sọ́l vaá tãagã ló Bàrì lọ̀l, Neǹ Togó Té Nònù Bẹẹ Dùm Nè Sìtóm Kọ̀ Kpẹ̀a é ló gbò bel ea é náa kọọ̀ gbò nen á ié tàn nyòòmà gbò nú e bà é dã́. Àé dú bíi kọọ̀ neǹ togó téá á ló bel ea kil ló gbò nú ea é palàge dọ̀ bélè nè bõ̀ònatõ̀òá.

 3. Lòbèl: Òb kà mínìt. Ba beè emí togó bel nè bàà àbèè taa kà gá e nen é ló bel boo mm̀ Dùm Nè Kpá Nè Bõ̀ònaló Sìtóm. Á dú gè tú nakà lòbèlí nè neǹ kànen àbèè neǹ nvèè bá sìtóm ea sim tùlà. Sè e bà é nó ãa kpá ea di mm̀ Kpá Kaí, bà é zẹ́ẹ́ bìlà vídiò ea é tení ló tẹlẹ èla. Neǹ lòbèlá é láá kọ́ kà ea di mm̀ vídiòá ea gbááá ló togó bel ea gé ló bel boo. Sõò, á piiga boo gè mòn kọọ̀ à lóè bel boo kọ̀láá kà gá ea di mm̀ kpá bõ̀òna ló sìtómá. Nagé, beè tṍó dì, àé dú bíi kọ á ló bel boo tã́ànu ea di mm̀ kpáá, boo béè kọọ̀ à gbááá ló togó bel ea gé ló bel booá. Àé láá tu nágé sìgà gá lọl mm̀ dõona kà gbò kpá be à gá náa vaá àé nveè bá tú kà ea di mm̀ a lòbèl tẹlẹ bàlà kẽ.

 4. Gbò Lé Nu Ea Di Mm̀ Kpá Káí: Òb kà mínìt. Nakà gáí fáálá bíb gè aalá vaá nen ea é síi bá ló náa é tení ló na kpòí tẹlẹ èlà àbèè ge nvèè kubmà ló. Á dú gè tú nakà kpòí nè neǹ kànen àbèè neǹ nvèè bá sìtóm ea sim tùlà. Nen ea é síi bá ló nakà kpòí á bĩiná pálàa kà bíbvá gbò e bà gé pãanée tṍ ló. Nagé, àé láá beeláfùl kọ bà á bugi àbèè kọ bà á gá bugi dọ̀ Kpá Káí e bà kólí ea di m. Gbò ea íbá ló kọ bàá aalá bíb á tú 30 kà sẹ́kòn àbèè à kil kẽ èl vó aamá.

 5. Bugì Kpá Káí: Ténì kà mínìt. Págbálà ní ea é síi bá ló nakà nu gè naaí ẽ́. Nen ea íe nakà nu gè naaí á gbẹá boo bugi e bè náa é tení ló tẹlẹ èla àbèè ge nvèè kùbmà ló. Neǹ togó té nònù deeá é palàge ié lèèmá mm̀ ge nvèè bá nè nen ea gé bugi nuá kọ á láá bugi nu leevè, mm̀ sĩ́deè e gbò nen é dã́ ból ló, mm̀ sĩ́deè ea õoa tẽ́, nvèè kà mm̀ kĩée ea bọ́ló, nyaaná mon kĩée ea dú bíi, bugi nu elá kĩée ea bọ́ló, vaá ló bel belí bé ea ólò ló bel naa. Boo béè kọọ̀ sìgà dọ̀ Kpá Káí gè bugí buù sè dú ńkem vaá sìgà à bọọ́ bég, neǹ kànen ea ólò ẹ̀b nú ea kil ló nònù Bẹẹ Dùm Nè Sìtóm Kọ̀ Kpẹ̀a á bugi togó boo bé e buù nen ólò láá bugi nu naa besĩ́ à kálá nè va nu gè naa.

6. Òb nè vòò kà mínìt. Ba beè noo na kpò nònùí kọbéè kọ̀láá nen íe nèà deè ge nó gè kọ́ kpẹ̀a leevè vaá nó gbò kalì ea é nveè bá naa kọ bà á láá zọ̀ nen loá sọ́l leevè nè ge sìm kilsĩ́ mm̀ ge kọ́ kpẹ̀a nè ge noomà nu. Tṍó ea dú bíi, gbò kànen mm̀ bõ̀ònatõ̀ò é láá ié nágé nu gè naa mm̀ na kpòí. Buù nen ea íe nu gè naa á sí tóm boo gbò gá ea di mm̀ kpá ea kọlà Ge Noòmà Nu àbèè Vùlè Gbò Nen e bà émí nvee ló a nu gè naa mm̀ bẹẹ Dùm Nè Kpá Bõ̀ònaló Sìtóm. Sìgà tṍó, àé láá faalá kpò ea bĩ́íná loa sọ́l. Tṍó ea meà náa vó, nen kànèn àbèè neǹ nvèè bá sìtóm ea sim tùlà ní ea é síi bá nakà gáẹ́.—Ẹ̀b  15 kpò ea kọ́ nú ea kil ló bá gè sii ló kpò ea fáálá loa sọ́l.

 7. Ge Dààmà Togó Loa Sọ́l: Pábia àbèè págbálà é láá sii bá ló nakà nu gè naaí. Beè nen ea íe nakà nu gè naaí dú pábia, nen ea é zọ́ẹ naa é íè ge du nágé pábia, vaá beè págbálà ní ea é náa ẽ́, págbálà ní ea é zọ́ẹ naa nagéé, àbèè nen ea dṹùnà ba tọ. Nen ea íe nu gè naaí nè nen ea é zọ́ẹ naa é láá ĩìtẽ́ kẽ àbèè kọ bà élá-èla.—Ge kpáá nyimá gã́bug nú ea kil ló nakà nu gè naaí nè bá gè sii ló, ẹ̀b  12 nè  13  kpò.

 8. Ge Sì Gé Kãa Nen: Pábia àbèè págbálà é láá sii bá ló nakà nu gè naaí. Beè nen ea íe nakà nu gè naaí dú pábia, nen ea é zọ́ẹ naa é íè ge du nágé pábia, vaá beè págbálà ní ea é náa ẽ́, págbálà ní ea é zọ́ẹ naa nagéé. (km 5/97 p. 2) Nen ea íe nu gè naaí nè nen ea é zọ́ẹ naa é láá ĩìtẽ́ kẽ àbèè kọ bà élá-èla. Nen ea íe nakà nu gè naaí á zogè nú e nen é kọ́ tṍó ea gé sí gé kãa nen ea beè zọ̀ loá bel dõona tṍó.—Ge kpáá nyimá gã́bug nú ea kil ló nakà nu gè naaí nè bá gè sii ló, ẹ̀b  12 nè  13 kpò.

 9. Ge Naa Kọọ̀ Gbò Nen Á Nyoone Nvée Kráìst: Pábia àbèè págbálà é láá sii bá ló nakà nu gè naaí. Beè nen ea íe nakà nu gè naaí dú pábia, nen ea é zọ́ẹ naa é íè ge du nágé pábia, vaá beè págbálà ní ea é náa ẽ́, págbálà ní ea é zọ́ẹ naa nagéé. (km 5/97 p. 2) Nen ea íe nu gè naaí nè nen ea é zọ́ẹ naa é láá ĩìtẽ́ kẽ àbèè kọ bà élá-èla. Nakà gáí á zogè nò kpáí ea gé kilsĩ́. Náa é dú bíi gè tení ló nò Kpá Káíá tẹlẹ èla àbèè ge nvèè kùbmà ló, áá bèè kọọ̀ níà gá ea gé sí tóm boo é. Náa é dú bíi kọ bàá bugi kọ̀láá kà kpò ea di mm̀ kpá e bà gé nóá tẹlẹ bàlà kẽ, sõò bà é láá naa vó sìga tṍó.

 10. Ge Baatẽ́ Gbò Nú Eo Zigà Ló: Tṍó e nakà kpòí dú lòbèl, págbálá ní ea é síi bá ló é. Tṍó ea dú nu gè zogè, págbálà àbèè pábia é láá sii bá ló. Beè nen ea íe nakà nu gè naaí dú pábia, nen ea é zọ́ẹ naa é íè ge du nágé pábia, vaá beè págbálà ní ea é náa ẽ́, págbálà ní ea é zọ́ẹ naa nagéé, àbèè nen ea dṹùnà ba tọ. Nen ea íe nu gè naaí á tú kalí aamá bíbvá mm̀ sĩ́deè ea é palàge õoa tẽ́ tení dú ló gbò bààtẽ́ ea di mm̀ kpá e bà émí nvee ló. Nen ea íe nu gè naaí é láá beeláfùl ge kọ́ kĩée ea lọl ààlaà bíbvá tṍó ea gé síi bá ló nakà gáí.

 11. Lòbèl: Págbálà ní ea é síi bá ló nakà nu gè naaí ẽ́, vaá àé ne naamá lòbèl nè pá vígà. Tṍó e lòbèlá dẹẹa boo gá ea di appendix A mm̀ bróshọ̀ ea kọlà Vùlè Gbò Nen, nen ea é ne lòbèlí á kọ́ bé eé láá tú dọ̀ Kpá siimá tóm tṍó e gé kọ́ kpẹ̀a naa. Dì belí nu dòòmà bá, àé láá baatẽ́ tṍó ea dú bíi kọ é kolí enè íb dọ̀ Kpá Káí, nú e dọ̀ Kpá Káíá tõó dọ̀, nè bé eé láá tú dọ̀ Kpá Káíá nvèèmà bá nè nen naa. Tṍó e lòbèlá dẹẹa boo gá ea di mm̀ ene kà nu gè nò mm̀ bróshọ̀ ea kọlà Vùlè Gbò Nen, àé dú bíi kọọ̀ nen ea é ne lòbèlá á ká bùlà gbẹẹ́ boo bé eé láá tú gáá siimá tóm tṍó e gé kọ́ kpẹ̀a naa. Àé láá ló bel boo nu dòòmà bá ea di mm̀ 1 gá ea di ló nu gè nòá àbèè kọ à ló bel boo dõona kà gbò dọ̀ Kpá Káí ea di mm̀ nu gè nòá be à dú bíi.

   12. Nú Ea Di M: Gbò nú ea di mm̀ nakà kpòí nè ní ea bẽene gé lóá bel nyòòmà gbò nu gè naa ea di kè kẽè “Ge Dààmà Togó Loa Sọ́l” nè “Ge Sì Ge Kãa Nen.” Nú e nen ea íe nu gè naa ea di kè kẽè nakà kpòí é sẹẹà sĩ́ dú gè kọ́ kà-kà bel ea di mm̀ Kpá Káí ea válí gè dã́tẽ́ ló vaá àé léémá nen ea gé zọ loá sọ́lá nè ge gbẹẹ bíb e bà é ló sọ́l boo dõona tóó. Nen ea íe nú gè naaá á sà togó bel ea bọ́ló, ea é léémá gbò e bà di kĩée ea ólò tõo. Àé láá beeláfùl ge tení ló kpá àbèè vídiò ea di mm̀ Bẹẹ Nuù Tóm tẹlẹ bàlà kẽ. Tãa vó e gbò e bà íe nú gè naaí dõogẽ nó tení boo ba nu gè naa vaá dù gé kọ́ loa togó, àé dú bíi kọ bàá nó gbò kalì ea é nveè bá nè va kọ bàá láá zọ̀ gbò nen loá sọ́l, dì belí ge ié lèèma mm̀ gbò nen nè ge naa kọ ba loa sọ́l á kyãa boo bá ea bọ́ló.

    13. Bá Gè Naamá: Nen ea íe nu gè naa á tú bá gè naamá ea di ló a nu gè naa siimá tóm mm̀ sĩ́deè ea é léé ló gbò e bà di kĩée ea ólò tõo. Dì belí nu dòòmà bá:

1.  (1) Ge Kọ́ Kpẹ̀a Aa Tọ Dọ Tọ: Nakà bá gè naamáí bãaa mm̀ ge kọ́ kpẹ̀a aa tọ dọ tọ—kọbèè ge sí ló nen tọ, ge kolí nen tenmá boo fóòn, àbèè ge emí kpá lẹ̀ẹ̀la tóm má nen—nè ge sì gé kãa nen e beè zọ̀ loá bel tṍó e géè kọ́ kpẹ̀a aa tọ dọ tọ.

2.  (2) Ge Kọ́ Kpẹ̀a Tṍó E Nóo Beè Noo: Nakà bá gè naamáí gé lóá bel nyòòmà ge tú kọ̀láá kà nèà deè e íè kọọmá kpẹ̀a nè nen tṍó e gé zọ́ẹ loá sọ́l. Àé láá bãaa mm̀ ge kọ́ nú ea di mm̀ Kpá Káí nè gbò eo monì gbẹá kè tóm, gbẹá tọọ̀ kpá, gbẹá o kè gyṍó, gbẹá mm̀ faà, àbèè tṍó eo dì eo gé náa dõona kà nu.

3.  (3) Ge Kọ́ Kpẹ̀a Kĩée Gbò Nen Bọọ: Nakà bá gè naamáí gé lóá bel nyòòmà ge tõó ló nú e ólò lẹ́ kpá m kọ́ kpẹ̀a, ge kọ́ kpẹ̀a gbẹá kĩée bà ólò ùlà ki, gbẹá kĩée gbò nen ólò tõo bṍ séi, gbẹá kĩée bà ólò sẹlẹ faà, àbèè dõona ketõ̀ò eo é láá mòn gbò nen.

 14. Ge Zogè Vídiò Nè Ge Nè Kpá: Dẹẹa boo bé e dìtõ̀ò dì naa, nen ea íe nu gè naa é láá beeláfùl ge zogè vídiò àbèè ge nè kpá. Beè nu gè naaá fáálá vídiò, àbèè kọọ̀ nená bééláfùl ge zogè vídiò, àé láá ló bel ea kil ló vaá kọ́ nú ea di m, sõò á gá bìlà.

15. Tṍó e baa ni ọ́lí sọ́l lọ̀l, 15 mínìt aa ló tṍóá mm̀ nakà kpòí é fáálá ene àbèè bàà kà gá ea é nveè bá nè gbò e bà gé pãane tṍ kọ bàá láá tú moǹ bel Bàrì siimá tóm. Áá bèè kọ bà ne dõona kà tùle, gbò kànen mm̀ bõ̀ònatõ̀ò àbèè gbò nvèè bá sìtóm e baa ni sim tùlà ní e bàé síi bá ló nakà gáí é, daalá lọl ló gá ea fáálá gbò bíi ea di lo bõ̀ònatõ̀òí e áá neǹ kànen ní ea é síi bá ló é. Tṍó ea íe gá ea fáálá loa sọ́l, nen ea é síi bá ló nakà gá é láá bĩiná dõona kà gbò bíb gbá ló gbò ní e bà kọ́ á bĩiná. À dú bíi kọ á gá tú gã́bug tṍó tenmá ló nakà gáí tẹlẹ èlà kọbé à íe gã́bug tṍó gè loomá bel boo gbò gá ea dú bíi vaá naa kọọ̀ gbò e bà gé pãanée tṍ ló á ié nágé tṍó gè láá aalá bíb. Be à dú bíi gè bĩiná bel nen, àé bọ́ló kọọ̀ nen e bàé bĩ́ínáe belá á du boo ketõ̀ò ge tõo nè lòbèl tãa vó ea gbẹá kĩée ea beè di ĩ́ìtẽ́á, be à válí.

  16. Nò Kpá Káí Bõ̀ònatõ̀ò: Taà òb kà mínìt. Neǹ kànen ea palàge sìm tùlà ní ea é síi bá ló nakà gáí é. (Gbẹá kĩée gbò kànen náa bọọ́ tõ̀ò, neǹ nvèè bá sìtóm ea ni sim tùlà é láá sii bá ló be à dú bíi.) Àé dú bíi kọọ̀ gbò kànen á bilá ló vaá kọ́ gbò e bà sim tùlà ge sẹlẹ Nò Kpá Káí Bõ̀ònatõ̀ò. Gbò e bà ténmá á dú gbò e bà é láá sii bá ló nakà gáí mm̀ sĩ́deè ea bọ́ló naaní e bà náaé dé tṍó, nvèè ka mm̀ gbò dọ̀ Kpá Káí ea dú bíi vaá nvèè bá nè kọ̀láá nen kọ bà á nvèè ka ló vaá mòn bé e bà é láá tú gbò nú e bà géè nó deeá siimá tóm naa. Gbò e bà ténmá é láá ié bélè lọl ló gè bugi gbò tùlè e bõ̀ònatõ̀òí ni émí ea kil ló bá gè sii ló gbò gá ea fáálá bíb-nè-ààla. (w23.04 24 náásĩ́, ńkpó) Tṍó e baa ni nó kĩée ba beè noo gè nó sẹ̀a lọ̀l, náaé dú bíi gè kpáá kilma sĩ́. Be à válí, àé dú bíi gè noo naaní e kele-kele nen ní e bà é sẹlẹ níí buù sè e, vaá kele-kele nen bugi nagé. Be à gá náa vaá Neǹ Togó Té Nònù Bẹẹ Dùm Nè Sìtóm Kọ̀ Kpẹ̀a à nè tùle kọọ̀ Nò Kpá Káí Bõ̀ònàtõ̀òá á dú ńkpulu dẽe, tṍóá nen ea é sẹlẹ é gbóó beeláfùl bé ea é náa kọ nònùá á dú ńkpulu dẽe naa. Àé láá beeláfùl kọọ̀ bàá gá bugi sìgà kpò ea di ló nú e bà é nó.

  GBÒ BEL GE NVÈÈMÀ KÙBMÀ LÓ

17. Taa kà mínìt. Neǹ Togó Té Nònù Bẹẹ Dùm Nè Sìtóm Kọ̀ Kpẹ̀a é ooa boo gbò gá e nóò deeá ea é palàge nvèè bá nè pá vígà. À dú nágé bíi kọ á tení boo nú e bà é nó sè ea bẽene. Àé láá kòl béè gbò nvín tọọ̀ kpá e bà íe nu gè naa sè ea bẽene be à gá náa vaá tṍó à dì. Áá bèè kọ bà ne dõona kà tùlè, àé dú bíi kọọ̀ neǹ togó té nònùá á nè kọ̀láá kà nègã́ vaá bugi kọ̀láá kà kpá lẹ̀ẹ̀la tóm ea dú bíi tṍó ea gé ló gbò bel ge nvèèmà kùbmà lóá. Á gá tõó boo ketõ̀ò ge tõo nè lòbèl nè gbò nègã́ ea kil ló ńkem-kem nú ea kil ló bõ̀ònatõ̀ò, dì belí kĩée e bà é bṍóná nè kĩée e bà é kọ́ kpẹ̀a àbèè ge õ̀ònà ló Kíndọ̀m Họ́ọ̀l, tãa vó bàá ká nègã́á boo information board. Be à gá náa vaá tṍó ea di ló gbò bel ge nvèèmà kùbmà ló náa é gbõomá ló nègã́ àbèè kpá lẹ̀ẹ̀la tóm gè bugi ea dú bíi, neǹ togó té á kọ́ nè gbò vígà págbálà e bà é síi bá ló gbò gá ea di kè kẽè Ge Tõó Dùm Dìbelí Gbò E Ge Nyoone Nvée Kráìst kọ bà á tú kpò e bà é síi bá ló naamá ńkpulu dẽe belí bé ea dú bíi naa. (Ẹ̀b  16 nè  19 kpò.) Bà é tú sọ́l nè tã̀àgã ló nvèèmà kùbmà ló nònùá.

18. Tṍó e buù nen ea íe nu gè naa ni náa lọ̀l, neǹ togó té Nònù Bẹẹ Dùm Nè Sìtóm Kọ̀ Kpẹ̀a íe ene kà mínìt ge lèèlà nè ge lelé va dee bá dẹẹa boo nu gè nò e ba beè kọ á sí tóm boo. Tṍó e neǹ togó té é téní ló nu gè naa tẹlẹ èla, náa é kọ́ nu gè nò e nená é sí tóm boo. Sõò, tṍó e nen ea íe nu gè naaá ni náa lọ̀l vaá neǹ togó téá a leelàẹ, àé gbóó láá kọ́ nu e bà géè ẹ̀bvié boo vaá kọ́ nú ea náa à lèèlàẹ boo gáá, àbèè kọ à tú gbọ́ọ́-gbọọ̀ ló bààmà tẽ́ nú ea náa vaá nvín tọọ̀ kpáá á kpáá sí tóm boo nu gè nòá nè bé ea é láá naa vó dõona tóm naa. Neǹ togó téá é láá lo nágé bel boo dõona kà gá ea di ló nu gè naaá be à gá náa à mòn kọọ̀ àé dọ bélè nè nvín tọọ̀ kpáá àbèè dõona gbò e bà gé pãane tṍ. Àé láá kpáá kolíe vaá le-lée dee bá gbẹá kĩée e áá ẹ̀ẹ̀ dì tṍó e ba ni zaalà nònù àbèè dõona tṍó tení dú ló nú ea di mm̀ gbò bróshọ̀ ea kọlà Vùlè Gbò Nen, Ge Noòmà Nu, àbèè kpá ea kọlà Ministry School, àbèè kọ à kpáá le-lée dee bá dẹẹa boo nu gè nò e ba beè kọ á sí tóm boo àbèè dõona kà nu gè nò.—Kọbé ò kpáá nyimá gã́bug nú ea kil ló tóm neǹ togó té Dùm Nè Sìtóm Kọ̀ Kpẹ̀a nè níí Neǹ Kànèn Ea Ólò Nè Dùùlà Bá Deè Tṍ Gbò E Bà Íe Nu Gè Naa Gbẹá Nònù, Ẹ̀b  19, 24 nè  25 kpò.

19. Tọ́ọ̀ nen ea íe nu gè naa á gá dé tṍó, bãana neǹ togó té Nònù Bẹẹ Dùm Nè Sìtóm Kọ̀ Kpẹ̀a. Náa kal ló béè kọọ̀ kpá ea kọlà Dùm Nè Kpá Bõ̀ònaló Sìtóm kọ́ tṍó ea é dú gè sẹ̀ẹ̀mà buù kpò nònù, be à gá náa vaá nen ea íe nu gè naa, à naa lọ̀l vaá tṍó à di-di, náa dú bíi kọ á kpáá ló dõona kà gbò bel kọbé tṍó e ba beè kọ á naamá a nu gè naa égá. Be à íe nen ea dé tṍó, neǹ togó té Nònù Bẹẹ Dùm Nè Sìtóm Kọ̀ Kpẹ̀a àbèè nen ea ólò nè dùùlà bá deè tṍ gbò e bà íe nu gè naa gbẹá nònù á nèe dùùlà bá deè tṍ gbẹá kiẽe e áá ẹ̀ẹ̀ dì. (Ẹ̀b  24 nè  25 kpò.) Zivè kà nònùá, gbá ló sọ́l nè tã̀àgã ló, á tú áá 1 ávà nè 45 mínìt.

20. Tṍó e nen ea gé kudẽe ló sẹ́kiùt kãa bõ̀ònatõ̀ò, bà é sẹlẹ nònù dẹẹa boo bé e bà baatẽ́ naa mm̀ kpá ea kọlà Dùm Nè Kpá Bõ̀ònaló Sìtóm, sõò lòbèl nen ea gé kudẽe ló sẹ́kiùt ea é neà mm̀ 30 mínìt á nyaaá ló nò Kpá Káí Bõ̀ònatõ̀ò ea di kè kẽè kpò ea kọlà Ge Tõó Dùm Dì Belí Gbò E Gé Nyoone Nvéè Kráìst. Neǹ togó té Nònù Bẹẹ Dùm Nè Sìtóm Kọ̀ Kpẹ̀a á tení boo nú e bà nó gbẹá nònù deeá nè nú e bà é nó gbẹ̀á nònù sè ea é dú sĩ́, nè gbò nè gã́ ea dú bíi, vaá bugi gbò kpá lèèla tóm ea dú nágé bíi, besĩ́ à kálá kolí nen ea gé kudẽe ló sẹ́kiùt kọ́ á dù ge nè a túá kà lòbèl. Tṍó e nen ea gé kudẽe ló sẹ́kiùt ni ne a túá kà lòbèl lọ̀l, àé gbóó nvèè kùbmà ló nònùá tení dú ló gè kolí sọ́l ea léémáe. Àé láá kolí dõona kà vígà págbálà kọ á tú tãagã ló Bàrì nvèèmà kùbmà ló nònùa. Bà á gá noo kọọ̀ gbò nvín tọọ̀ kpá á tõó ńkem̀ àn ea di ló Kíndòm Họ́ọ̀l ié nu gè naa sèá. Group ea di kè kẽè bõ̀ònatõ̀òá é láá sẹlẹ nònù sè e nen ea gé kudẽe ló sẹ́kiùt gé kãa bõ̀ònatõ̀ò e bà di kè kẽeá. Sõò, groupí á gbááá ló bõ̀ònatõ̀ò e bà di kè kẽá tṍó e nen ea gé kudẽe ló sẹ́kiùt é ne a lòbèl.

21. Tọ́ọ̀ kà nònù náa é sẹẹa sè e àsémblì àbèè pọ̀bkà bõonaló dì. Kẽeé nyíè pá vígà kọọ̀ buù nen àbèè pá tọ á tení boo nú e bà gáẹ̀ beè nó gbẹá nònù sèá.

22. Tṍó e Sẹ̀lẹ̀nù Ge Kẽ̀èa Boo Ú Kráìst dọ́ gbà-gbá Monday nè Friday, bà náa é sẹlẹ nònù Bẹẹ Dùm Dìbelí Gbò E Gé Nyoone Nvéè Kiáìst.

23. Gbò kànen é sa enè neǹ kànen ea di vá zẹ̀ẹ̀ kọ á dú nen ea é ẹb nú ea kil ló nònù Bẹẹ Dùm Nè Sìtóm Kọ̀ Kpẹ̀a. Ẹlẹ ní ea é noo gbò e bà é íe nu gè naa gbẹ̀á nònù, vaá mòn kọọ̀ gbò e bà íe nu gè naa gbẹá nònù tú gbò dùùlà bá deè tṍ e ni ló bel booí siimá tóm ẽ́. Á olòó zọ̀ nen ea ólò nè dùùlà bá deè tṍ gbò e bà íe nu gè naa gbẹá nònù lóá bel lọl tṍ tẹlẹ tṍó. Tṍó e Dùm Nè Kpá Bõ̀ònaló Sìtóm Kọ̀ Kpẹ̀a dọ́ bàlà kẽ, neǹ kànen ea ólò ẹ̀b nú ea kil ló nònù Bẹẹ Dùm Nè Sìtóm Kọ̀ Kpẹ̀a é gbẹá boo noo gbò e bà é íe nu gè naa gbẹá nònù bàà ẽ́. Níí bãaa mm̀ kọ̀láá kà nu gè naa gbẹá nònù èèlè nyíè zẹ̀ẹ̀ sè, gbò nu gè naa ea é neà aa bá gbò nvín tọọ̀ kpá, ní e bè náa é neà aa bá gbò nvín tọọ̀ kpá, gba nágé ló gè noo nen ea é dú neǹ togó té lọl zẹ̀ẹ̀ gbò e gbò kànen beè tenmá kọ bàé láá naa vó. (Ẹ̀b  3-16 nè  24 kpò.) Tṍó ea gé noo gbò e bà é íe nu gè naa gbẹá tọọ̀ kpáá, á bugi togó boo ba gbáá, nú e bà é láá naa, nè gbò nú e bà é lá taaá ló ló bel ea kil ló. Á tu nágé gbò gáá sẹẹa bùlà tṍó ea gé ne nàgé dõona kà gbò nu gè naa gbẹá nònù. À bọ́ló kọ á tú buù kà nu gè naa nè gbò e bà é náa taà sè besĩ́ à kálá dọ̀ deé e bà é náa. Tú fóm̀ ea kọlà Our Christian Life and Ministry Meeting Assignment (S-89) nèèmà nu gè naa gbò e bà íe nu gè naa. Neǹ kànen ea ólò ẹ̀b nú ea kil ló nònù Bẹẹ Dùm Nè Sìtóm Kọ̀ Kpẹ̀a á mòn kọọ̀ à túè kpá ea beè emí béè gbò e bà íe nu gè naa gbẹá nònù dẽe ká boo information board. Gbò kànen é láá íbá ló dõona kà neǹ kànen àbèè neǹ nvèè bá sìtóm kọ á nvèè bá nèe. Sõò, áá neǹ kànen ní ea é noo gbò e bà íe nu gè naa e bè náa é neà aa bá gbò nvín tọọ̀ kpá ẹ́.

24. Buù sè, enè neǹ kànen mm̀ bõ̀ònatõ̀ò é dú neǹ togó té Dùm Nè Sìtóm Kọ̀ Kpẹ̀a. (Be à dú bíi, gbò nvèè bá sìtóm e bà sim tùlà é láá dú neǹ togó té be à gá náa vaá gbò kànen mm̀ bõ̀ònatõ̀ò náa bọọ́ tõ̀ò.) Ẹlẹ ní ea é kpóógá dee ló nyòòmà ge ló gbò bel ge kùùmà nè ge nvèèmà kùbmà ló nònù ẽ. Ẹlẹ ní ea é téní ló buù kà nu gè naa tẹlẹ èla ẹ́, vaá be à gá náa gbò kànen náa bọọ́ tõ̀ò, àé sii nagé bá ló dõona kà gbò nu gè naa, bọọ ẹ̀lmà tõ̀ò gbò nu gè naa ea bĩ́íná áá gè bìlà vídiò e náa é ló bel boo. Gbò bel ea é ló tṍó e ba ni síi bá ló buù kpò lọ̀l, á gá bọọ́ beg. Gbò kànen mm̀ bõ̀ònatõ̀ò é sa gbò kànen e bà sim tùlà ge sii bá ló nakà nu gè naaí. Á dú gè noo kọọ̀ gbò kànen e bà sim tùlà á dú neǹ togó té lọl tṍó tẹlẹ tṍó. Dẹ̀ẹ̀a boo bé e dìtõ̀ò dì naa, bàé láá noo naa ní e neǹ kànen ea ólò ẹ̀b nú ea kil ló nònù Bẹẹ Dùm Nè Sìtóm Kọ̀ Kpẹ̀a é dú neǹ togó té gã́bug tṍó èlmà nakà gbò kànen e bà sim tùlàa. Be à gá náa vaá neǹ kànen à sim tùlà ge sẹlẹ nò Kpá Káí bõ̀ònatõ̀ò, àé dú kọọ̀ à sim nagé tùlà ge dú neǹ togó té. Sóo-soò sẹẹa bùlà kọọ̀, neǹ kànen ea dú neǹ togó té ní ea é leelà gbò e bà íe nu gè naa ẽ́ vaá be à dú bíi à le-lé va dee bá nágé. Neǹ togó té ní ea é mon kọọ̀ nònù deeá íná kùbmà boo tṍó ẽ́. (Ẹ̀b  17 nè  19 kpò.) Be à léémá neǹ togó téá vaá ketõ̀ò ge tõo nè lòbèlá à bọọ́ gbàà, bà é láá tú dõona kà kpẹ́ ele-èla naa ní ea é tõo ló nakà kpẹ́ kolí nen ea íe nu gè naa, boo tṍó e vígà págbálà ea íe nu gè naaá di élá ló kpẹ́ e bà ólò tõo ló nè lòbèla. Nagé, be à léémá neǹ togó téá, àé láá ĩitẽ́ ló tébòl ea di boo ketõ̀ò ge tõo nè lòbèl tṍó e bugì Kpá Káí nè gbò nu gè naa ea di mm̀ kpò ea kọlà Nvèè Sĩ́ Ló Gè Kọ́ Kpẹ̀a gé kilsĩ́. Ge naa vó é náa kọọ̀ á gá dé tṍó.

25. Be à valí, àé bọ́ló kọọ̀ neǹ kànen ea ólò láá palàge nè lòbèl ní ea é síi bá ló nakà dọ̀ tómí ẽ́. A tóm dú gè le-le dee bá gbò kànen nè gbò nvèè bá sìtóm kīée e áá ọ̀và dì, ea kil ló kọ̀láá kà nu gè naa e ba beè ié, níí bãaa mm̀ gbò nu gè naa e ba beè sii bá ló mm̀ nònù Bẹẹ Dùm Nè Sìtóm Kọ̀ Kpẹ̀a, lòbèl kèsĩ́ gbò nen, nè ge sẹlẹ àbèè ge bugi Kpá Tọ Kùdẽe Ló àbèè Nò Kpá Káí Bõ̀ònatõ̀ò. (Ẹ̀b  19 kpò.) Be à gá náa vaá bõ̀ònatõ̀ò à ié gã́bug gbò kànen e bà ólò palàge nè lòbèl vaá noomà nu, bà é láá beeláfùl ge tú nakà dọ̀ tómí ne kele-kele neǹ kànen ea sim tùlà buù gbáá. Náa dú bíi kọọ̀ neǹ kànen ea ólò le-le dee bá gbò e bà íe nu ge naa gbẹá nònù á nè dùùlà bá deè tṍ kọ̀láá nen ea beè ié nu gè naa.

26. Be à gá náa vaá gbò nvín tọọ̀ kpá e bà ólò ié nu gè naa gbẹá nònù à palàge bọọ́ tõ̀ò, bõ̀ònatõ̀ò é láá noo kọọ̀ sìgà ọ̀và á tõó mm̀ ńkem̀ àn ea di ló Kíndòm Họ́ọ̀l naa. À bọ́ló kọọ̀ buù kà ńkem̀ àn ge tõo ié nu gè naa á ié neǹ kànen ea é le-le dee bá gbò e bà íe nu gè naa. Tṍó ea bọ́ló, neǹ nvèè bá sìtóm ea palàge sìm tùlà é láá sí nakà tómí. Gbò kànen ní e bà é kọ́ nen ea é sí naka tómíé nè be bà é ólòó nyaaná nen ea é sí tómí lọl tṍó tẹlẹ tṍó. Nen ea ólò le-le dee bá gbò e bà íe nu gè naa á tú nú e bà kọ́ mm̀  18 kpò siimá tóm. Be à gá náa bà é tõo mm̀ ńkem̀ àn ea di ló kíndòm Họ́ọ̀l ié nu gè naa, á dú gè kọ́ nè gbò nvín tọọ̀ kpáá kọ bà á àà kil mm̀ ńkem̀ àná tṍó e Gbò Lé Nu Ea Di Mm̀ Kpá Káí ea di kè kẽè Gbò Gyọ́ Ea Di Mm̀ Moǹ Bel Bàrì ni íná kùbmà. Bà á òòà kẽ tṍó e ba ni naa dee-deè nvéè nu ge naa gbẹá kĩá lọ̀l.

27. Àé dú gè bìlà gbò vídiò e ba beè sà ge sẹ̀ẹ̀mà nònùí. Gbò vídiò e bà é bila gbẹá nònù èèlè nyíè zẹ̀ẹ̀ sè é di boo JW Library^® app vaá òé láá ié tenmá boo fóòn à bèè kòmpútà.

© 2024 Watch Tower Bible and Tract Society of Pennsylvania

S-38-GN 11/23