Ge Téní Ló Gbò Vídiò Ea Dẹẹ̀a Boo Kpá Káí Tẹlẹ Bàlà Kẽ
Gbò kà kà bel ea kil ló buù kà kpá ea di mm̀ Kpá Káí.
Ge Tení Ló Jénesìs Tẹlẹ Bàlà Kẽ
Kpá Jénesìs kọ́ nèi bé e dùm gbò nen beè dààmà togó naa, nè bé e mòn tã̀àgã̀ nè ú beè dààmà togó naa.
Ge Tení Ló Ẹ́xọdọ̀s Tẹlẹ Bàlà Kẽ
Bàrì beè dùùlà pá Ízràẹ̀ lọl bá gyóòlo mm̀ Íjèpt vaá tú va naamá dó e bà dì nè ẹlẹ.
Ge Tení Ló 2 Sámuẹ̀l Tẹlẹ Bàlà Kẽ
Ẹ̀b bé e gè kọọ̀ Dévìd beè ié dùm kìlmà kpá ló nè zìgà beè naa kọọ̀ Bàrì á palàge vùlèe vaá gbò nen à palàge nyimáe ló zẹ̀ẹ̀ gbò e ba emí Kpá Káí naa.
Ge Tení Ló 1 Kíǹg Tẹlẹ Bàlà Kẽ
Nyimá nú ea beè naaá tṍó e pá Ízràẹ̀l géè dé kpéè vaá ié gyọ́ kèbá bẹ̀l Méné Sólomòn dọ̀ọ̀mà tṍó e bà mon tã̀àgã̀ kèbá bàà kà boǹ méné Ízràẹ̀l nè Júdà.
Ge Tení Ló 2 Kíǹg Tẹlẹ Bàlà Kẽ
Mòn bé e gè dọ̀ aa nvéè õ̀òa fã̀ beè naa kọọ̀ nu á gá lee ló boǹ méné ea di deè boo gù ló Ízràẹ̀l naa, boo tṍó e Jìhóvà géè tãanè dee bá ńkem̀ gbò e bà tú dénè ba nyíe fã̀amàe.
Ge Tení Ló 1 Krónikòl Tẹlẹ Bàlà Kẽ
Nó nú ea kil ló gbò mana-mana nè gbò lé nú ea kil ló dùm méné Ízráẹ̀l ea kọlà Dévid ea beè siiá pọ̀ ló Bàrì, lọl tṍó e ba beè túe naamá méné tẹlẹ tṍó ea ú.
Ge Tení Ló 2 Krónikòl Tẹlẹ Bàlà Kẽ
Mòn bé e gbò nòòtẽ́ ea kil ló gbò méné Júdàí tẹ́lẹ bàlà kẽ bélè ea di ló gè bọ́ló dẹ̀lẹ̀ nyíé boo nè Bàrì naa.
Ge Tení Ló Ẹ́zrà Tẹlẹ Bàlà Kẽ
Jìhóvà beè mm-mè a zìgà nù ge naa kọọ̀ pá a gbò á di pọ́ì aa kèbá síí sii mm̀ dó Bábilọ̀n nè ge òòma kẽè kà kà fã̀ nvee Jèrúsalèm.
Ge Tení Ló Nèhèmáíà Tẹlẹ Bàlà Kẽ
Kpá Nèhèmáíà fáálá kà gã́bug nu gè nò ea é dọ bélè nèà kà kà gbò e bà gé fã Bàrì deè nieí.
Ge Tení Ló Ẹ́stà Tẹlẹ Bàlà Kẽ
Gbò nú ea beè naaá mm̀ deè Ẹ́stàa é síè kpóó ló o zìgà mm̀ kpóó e Jìhóvà Bàrì íe mm̀ ge dùùlà pá a gbò lọl kèbá tã̀àgà deè nieí.
Ge Tení Ló Jóòb Tẹlẹ Bàlà Kẽ
Ẹ̀bmà ẹ̀b é elá sĩ́ kọ̀láá gbò e bà vulè Jìhóvà. Nòòtẽ́ ea di mm̀ kpá Jóòb náa kọ é àgala boo kọọ̀ èé láá kilsĩ́ gè bọ́ló dẹ̀lẹ̀ nyíé boo vaá è nveè sãá kúm bẹbẹ̀l Jìhóvà.
Ge Tení Ló Psalm Tẹlẹ Bàlà Kẽ
Ẹẹ kpá Psalmí nveè sãa kúm bọ́ọ́ bọọ̀ Jìhóvà,, à nveè bá vaá nvèè nyíé gbàà gbò e bà vulèe, nè ge zogè bé e bàlà booí é nyááá tení dú ló a Boǹ Méné naa.
Ge Tení Ló Próvẹẹ̀b Tẹlẹ Bàlà Kẽ
Ié tùle ea aa bá Bàrì kilma ló kọ̀láá gá ea di mm̀ dùm—lọl ló ùlà ki tẹlẹ ló pá tọ.
Ge Tení Ló Ẹ̀klìzíástìs Tẹlẹ Bàlà Kẽ
Méné Sólomoòn beè kọ́ gbò nú ea palàge dì bíi mm̀ dùm vaá tú va doolé ló gbò nú ea bé uú boo nyìmànù Bàrì.
Ge Tení Ló Sọ́l Sólomoòn Tẹlẹ Bàlà Kẽ
À dú gè baatẽ́ vulà e kùbmà á gé ló e pábia ea dú Shúlàm beè ié nyòòmà nvín págbálà ea ólò kùdẽe ló naanà bólí belí “sã́ ea aa bá Jah.” Ló éé?
Ge Tení Ló Àìzáíà Tẹlẹ Bàlà Kẽ
Kpá Àìzáíà dú kpá ea fáálá kà kà kọ́ọ̀ bùlà Bàrì ea é láá siè kpóó ló ńlóò zìgà mm̀ Jìhóvà dì belí nen ea ólò Mm-mè gbò nu ea beè zìgà é nè Bàrì ea ólò dùùlài.
Ge Tení Ló Jèrèmáíà Tẹlẹ Bàlà Kẽ
Jèrèmáíà beè peelá gbẹá ló a tóm dì belí neǹ kọ́ọ̀ bùlà Bàrì náa kal ló béè gbò tàvàlà dìtõ̀ò ea kpee sĩ́ ló. Bugi togó boo nú ea nu dòòmà báí é láá kọ̀là kilma ló gbò níí Kráìst deè nieí.
Ge Tení Ló Làmèntésìòn Tẹlẹ Bàlà Kẽ
Neǹ kọ́ọ̀ bùlà Bàrì Jèrèmáíà ní ea beè emí nakà kpáí é, kpá Làmèntésìòn tẹ́lẹ bàlà kẽ bé e baẹ̀ bãagã boo kyọ̀à sĩ́ ea beè dọ boo Jèrúsalèm naa nè bé e ọ́ga ólò domà sàn nyíe ea aa bá Bàrì naa.
Ge Tení Ló Èzíkiẹ̀l Tẹlẹ Bàlà Kẽ
Èzíkiẹ̀l beè kìlmà kpá ló kẽ vaá tú agẹló siimá tóm e Bàrì beè nèe, náa kal ló béè kọọ̀ tómí beè tàvàlà. À dú kà lé nu dòòmà bá nèà beele deè nieí.
Ge Tení Ló Dányẹ̀l Tẹlẹ Bàlà Kẽ
Dányẹ̀l nè taà kà pá a kóò beè kilsĩ́ gè bọ́ló dẹ̀lẹ̀ nyíé boo nè Jìhóvà kèbá kọ̀láá kà dìtõ̀ò. Ba nu dòòmà bá bií ló gbò m̀m̀-me Kpá Káí é láá nvèè bá nèi mm̀ dee deè nvéè tṍó.
Ge Tení Ló Hòsíà Tẹlẹ Bàlà Kẽ
Kọ́ọ̀ bùlà Bàrì Hòsíà nóómài lé-lé nu ea kil ló beè Jìhóvà ólò ié sàn nyié ló gbò e bà ọgá ló ba pọ́lọ́ naa nè íb fã̀ ea tenmá.
Ge Tení Ló Jóẹ̀l Tẹlẹ Bàlà Kẽ
Jóẹ̀l beè kọ́ bùlà Bàrì nyòòmà gbele “deè Jìhóvà” ea ni íná kulóí nè nú eé naa kọbé è duuà. A kọ́ọ̀ bùlà Bàrìí palàge gbalá deè nieí.
Ge Tení Ló Émòs Tẹlẹ Bàlà Kẽ
Jìhóvà beè tú nakà gbálà ea kilmà kpá ló kẽí siimá tóm ea palàge dì bíi. Mókà lé nu ní eé láá nó lọl nu dòòmà bá Ém‵ps e?
Ge Tení Ló Òbìdáíà Tẹlẹ Bàlà Kẽ
Kpá Òbìdáíà ní ea dú kà ńkem̀ kpá ea di zẹ̀ẹ̀ dénè kpá ea di mm̀ Kpá Káí e ba beè emí ló dém bel Híbrù e. Kọ́ọ̀ bùlà Bàrì ne ból dẽèsĩ́ nè gbò zìgà nù ea kil ló bẹbẹ̀l Jìhóvà.
Ge Tení Ló Jónà Tẹlẹ Bàlà Kẽ
Neǹ kọ́ọ̀ bùlà Bàrìí beè tú lè-lè dee bá, a beè sí a tóm inmá kùbmà, vaá nó nu ea kil ló bé e Bàrì íe vulè ea kyãa mm̀ bọ́ọ̀ló dẹ̀lẹ̀ nyíé boo nè sàn nyíe naa. Gbò nu e neǹ kọ́ọ̀ bùlà Bàrìí beè tení bá gé láá noòmà nuù olo.
Ge Tení Ló Máíkà Tẹlẹ Bàlà Kẽ
Nakà kọ́ọ̀ bùlà Bàrìí é láá sièi kpóó ló nyòòmà ge dẹlẹ nyíé boo kọọ̀ Jìhóvà ólò bĩiná áá nu eé láá naa vaá à dọ bélè nèi.
Ge Tení Ló Náhùm Tẹlẹ Bàlà Kẽ
Kọ́ọ̀ bùlà Bàrìí náa kọ é àgala boo kọọ̀ Bàrì é ólòó mm-mè a moǹ bel nè ge kọọ̀ à ólò nvèè nyíé gbàà gbò e bà gbĩ́ fẹ́ẹ́-fẹẹ̀ ló nè dùùà kèbá a Boǹ Méné.
Ge Tení Ló Hábakọ̀k Tẹlẹ Bàlà Kẽ
Beele gé láá dẹlẹ nyíé boo kọọ̀ Jìhóvà nyímá kà lèlà sĩ́deè nè tṍó ea bọ́ló ge dùùlà pá a gbò.
Ge Tení Ló Zèfànáíà Tẹlẹ Bàlà Kẽ
Éé ní ea náa à dú bíi kọ é ọẹ̀ dẽe kọbé née bugì togó kọọ̀ deè bèèla bel Jìhóvà náa é dúé?
Ge Tení Ló Hégaì Tẹlẹ Bàlà Kẽ
Kọ́ọ̀ bùlà Bàrìí baatẽ́ bé ea palàge dú bíi gè tú fã̀ Bàrì gyààma sĩ́ èlmà beélè lee ló naa.
Ge Tení Ló Zèkàráíà Tẹlẹ Bàlà Kẽ
Gã́bug mòà nù dẽe nè kọ́ọ̀ bùlà Bàrì ea di mm̀ kpáí beè siè kpóó ló gbò níí Bàrì tṍó ea kil nvéeá. Gbò kọ́ọ̀ kọ́ọ̀ bùlà Bàrìí náa kọ é àgala boo kọọ̀ Jìhóvà dì ea gé nveè bá nèií deè nieí.
Ge Tení Ló Málakaì Tẹlẹ Bàlà Kẽ
À dú kọ́ọ̀ bùlà Bàrì ea kọ́ nú ea kil ló gbò nòòkúù Jìhóvà e bè náa ólò nyaaá, a sàn nyíe, nè a vulè. Kọ́ọ̀ bùlà Bàrìí kọ́ nágé nèi gbò nú e beele é láá siimá tóm mm̀ béèlè deeí.
Ge Tení Ló Máátìù Tẹlẹ Bàlà Kẽ
Dé kpéè ló ge nó gbò kà kà bel ea kil ló nakà kpá ea di mm̀ Kpá Káíí, à dú túá kà gbàà ténì kà kpá ea kọ́ nu ea kil ló sìtóm Jíízọ̀s.
Ge Tení Ló Máàk Tẹlẹ Bàlà Kẽ
Níí ní ea palàge dú kpulu zẹ̀ẹ̀ ténì kà kpá ea kó nú ea kil ló sìtóm kọ̀ kpẹ̀a Jíízọ̀se, nootẽ́ ea di mm̀ kpá Máàk kọ́ bé e Jíízọ̀s é beè bẹ̀l vaá dú Méné boo Boǹ Méné Bàrì naa.
Ge Tení Ló Lúùk Tẹlẹ Bàlà Kẽ
Gbò éé ea kil ló sìtóm kọ̀ kpẹ̀a Jíízọ̀s ní ea di áá mm̀ kpá Lúùk e?
Ge Tení Ló Jọ́ọ̀n Tẹlẹ Bàlà Kẽ
Kpá Jọ́ọ̀n baatẽ́ bé e Jíízọ̀s vulè gbò nen naa, nu dòòmà bá ea kil ló bé ea beè kìlmà kpá ló kẽ naa, nè bé e bà nyímáe ló naamá Mèsáíà naa—ea é beè dú Méné boo Boǹ Méné Bàrì.
Ge Tení Ló Tóm Tẹlẹ Bàlà Kẽ
Gbò nyòòne nvéè Kráìst mm̀ túá gbò gbááá beè palàge sí tóm gè naa kọ gbò nen á nyoone nvéè Kráìst lọl mm̀ dénè dó. Kpá Tóm é láá naa kọ ó kpáá palàge ié bẹ̀à sã́ bùlà nyòòmà sìtóm kọ̀ kpẹ̀a.
Ge Tení Ló Róm̀ Tẹlẹ Bàlà Kẽ
Nòòtẽ́ ea kó bé Jìhóvà ólò tú tẽ̀ènè íb bá tuumá kọ̀láá nen naa nè bé ea palàge dú bíi kọ é ié zìgà mm̀ Jíízọ̀s naa.
Ge Tení Ló 1 Kọ́rìnt Tẹlẹ Bàlà Kẽ
Kpá e Pọ́ọ̀l beè lẹ̀ẹ̀làí fáálá gbò dùùlà bá deè tṍ ea kil ló gè kọ é ié gbaa ló, tõó dùm ea õoà, ié vulè, nè ge ié zìgà mm̀ kẽ̀èà aa kemà ú.
Ge Tení Ló 2 Kọ́rìnt Tẹlẹ Bàlà Kẽ
Jìhóvà ea dú “Bàrì ea ólò nvèèi nyíé gbàà,” ólò siè kpóó ló vaá kpènà pá a gyóòlo.
Ge Tení Ló Gàlésìà Tẹlẹ Bàlà Kẽ
Kpá lẹ̀ẹ̀la tóm e Pọ́ọ̀l beè emí má pá Gàlésìàí dì ea gé síá tóm tẽ̀ènè bé ea géè siá nágé tóm naá mm̀ tṍó e ba beè emíá. Àé láá nvèè bá nè kà kà gbò e bà gé nyoone nvéè Kráìst kọ bàá kilsĩ́ gè bọ́ló dẹ̀lẹ̀ nyíé boo.
Ge Tení Ló Ẹ́fẹsọ̀s Tẹlẹ Bàlà Kẽ
Nakà kpá lẹ̀ẹ̀là tóm ea beè ẽá kèbá tùle nyómá káíí tẹ́lẹ bàlà kẽ tóm̀ bùlà Bàrì ge naa kọọ̀ fẹ́ẹ́-fẹẹ̀ ló nè gbaa ló á dì tení dú ló Jíízọ̀s Kráìst.
Ge Tení Ló Fílipaì Tẹlẹ Bàlà Kẽ
Tṍó e íè agẹló gbẹá kèbá tã̀àgã̀, èé láá siè kpóó ló dõòna gbò kọ bàá láá elá àgàlà.
Ge Tení Ló Kọ́lọsì Tẹlẹ Bàlà Kẽ
Èé láá ẹẹlẹ̀ nyíè Jìhóvà tení dú ló gè tú nu e nóò siimá tóm, ge ia ló pọ́lọ́ nè dõòna gbò lọa bùlà, nè ge nyimá ló dọ̀ Jíízọ̀s nè a kpóó lẹ̀ẹ̀là bel.
Ge Tení Ló 1 Tẹ̀sàlónaikà Tẹlẹ Bàlà Kẽ
À bọ́ló kọ beele é di zìle mm̀ ge naa kọọ̀ tọ́ọ̀ nu á gá kyọ̀gàlà bẹẹ gbaa ló kilma ló Bàrì, vaá è ‘palà ge tú kọ̀láá kà nu sẹ̀ẹ̀a bá ẹ̀b,’ ‘tãaga ló Bàrì lee,’ vaá è síè kpóó ló ene.
Ge Tení Ló 2 Tẹ̀sàlónaikà Tẹlẹ Bàlà Kẽ
Pọ́ọ̀l beè lele dee bá pọ́lọ́ dò bá nu ea kil ló dee e deè Jìhóvà é dú, vaá siè kpóó ló pá vígà kọ bàá elá àgala mm̀ ba zìgà bel.
Ge Tení Ló 1 Tímotì Tẹlẹ Bàlà Kẽ
Pọ́ọ̀l beè emí 1 Tímotì ge kọọmá lèlà nu ge naá mm̀ bõ̀ònatõ̀ò nè ge nèèmà ã̀àne ea kil ló kyáá nòòmànù nè ge vulè kpègè.
Ge Tení Ló 2 Tímotì Tẹlẹ Bàlà Kẽ Timothy
Pọ́ọ̀l beè siè kpóó ló Tímotì kọ á sí dénè tóm ea kuúe mm-mè.
Ge Tení Ló Táítọ̀s Tẹlẹ Bàlà Kẽ
Kpá e Pọ́ọ̀l beè lẹ̀ẹ̀là má Táítọ̀sí kpóògè dee ló gbò tã̀àgã̀ ea beè di mm̀ gbò bõ̀ònatõ̀ò ea beè di Kríìt vaá kòl béè gbò kpãa e nen é íe kọbé à láá dú gè íe bá naamá neǹ kànen mm̀ bõ̀ònatõ̀ò.
Ge Tení Ló Fáílimòn Tẹlẹ Bàlà Kẽ
Nakà ńkpulu kpá lẹ̀ẹ̀la tómí fáálá nu eé láá nò ea kil ló ge kìlmà kpá ló kẽ, ge ié lé láb, nè ge ia ló pọ́lọ́
Ge Tení Ló Híbrù Tẹlẹ Bàlà Kẽ
Fã̀ gbò níí Kráìst dẹẹ̀a boo nú ea palàge bọọ èlmà tọọ̀ káí e monmà dẽe nè ge tú nom vaamági gyọ́ọ.
Ge Tení Ló Jém̀z Tẹlẹ Bàlà Kẽ
Jém̀z tú gbò nu eé láá mònmà dẽe loomá bel mm̀ ge noòmà gbò nòòkúu ea palàge dì bíi ló gbò níí Kráìst.
Ge Tení Ló 1 Pítà Tẹlẹ Bàlà Kẽ
Túá kà kpá Pítàí síèi kpóó ló kọ é siá kpóó ló vaá tú kọ̀láá kà nú ea gé tãagẽ́i gbẹẹ́ bá Bàrì.
Ge Tení Ló 2 Pítà Tẹlẹ Bàlà Kẽ
Ní ea égè bàà kà kpá lẹ̀ẹ̀là tóm e Pítà beè emíí, síèi kpóó ló kọ é kilsĩ́ gè bọ́ló dẹ̀lẹ̀ nyíé boo, boo tṍó e gé élá bànà ãa káála nè ãa kunukẽ̀a.
Ge Tení Ló 1 Jọ́ọ̀n Tẹlẹ Bàlà Kẽ
Kpá lẹ̀ẹ̀la tóm Jọ́ọ̀n néi ã̀àne ea kil ló gbò e bà gé bé uú boo nòòmànù Kráìst vaá nvèè bá nèi kọ é nyimá nú ea bọ́ló kọ é vùlè nè nú ea bọ́ló kọ é gá vùlè.
Ge Tení Ló 2 Jọ́ọ̀n Tẹlẹ Bàlà Kẽ
Ní ea égè bàà kà kpá Jọ́ọ̀n kẽeí nyíe kọ é kilsĩ́ gè kyãa boo èèlè kà kà bel nè ge bé uú boo gbò kẹ̀lẹ̀.
Ge Tení Ló 3 Jọ́ọ̀n Tẹlẹ Bàlà Kẽ
Ní ea égè taà kà kpá Jọ́ọ̀n nóòmài kà lé nú ea kil ló gè kolí kyáà pá vígà.
Ge Tení Ló Júùd Tẹlẹ Bàlà Kẽ
Júùd beè tú láb gbò e bà gbĩ́ gè tõó mm̀ bõ̀ònatõ̀ò kẹlẹ gbò nvín Bàrì ẹẹ́ dẹi.
Ge Tení Ló Kùùà Nù Tẹlẹ Bàlà Kẽ
Gbò mòà nú dẽe ea di mm̀ kpá kùùà tẹ́lẹ bàlà kẽ bé e Boǹ Méné Bàrì é náa kọọ̀ tóm̀ bùlà Bàrì kilma ló gbò nen nè boo kunukẽ̀í á mm-má naa.
