NÚ EA NÁA À DÚ BÍI: Pọ̀b kà Neǹ Nóòmà Nu, ea dú Jìhóvà, néi kà lé búma ea tõo lọ̀l vaá à lee. À nóòmài bé eé láá tõó kà lé dùm vaá kpoogá dee ló nyòòmà kà lé dì deè sĩ́ naa—vaá née ólò kpẽ́ kpègè ló nakà gbò búmaí! (Àìz. 11:6-9; 30:20, 21; Kùùà 22:17) Tení dú ló búma ea aa bá Jìhóvà, à náa nagé kọ é láá kọ́ kpẹ̀a ea é man dùm nè dõòna gbò.—2 Kọ́r. 3:5.

BÉ EO É NÁA NAA:

• Toní gbò kpãà kìlmà kpá ló kẽ nè gbọ́ọ́-gbọọ̀ ló.—Ps. 25:8, 9

• Ié búma eo é láá ié kátogóí, dì belí nú ea dì nè gbò nvín tọọ̀ kpá mm̀ nònù èèlè nyíè zẹ̀ẹ̀ sè

• Bugi togó boo gbò sĩ́deè eo é láá kpáá palàge siimá tóm nè Jìhóvà vaá ò noo gbò nu ea é nveè bá nè ni kọ ó naa vó.—Fíl. 3:13

• Tú o lóó vaamá gyọ́ọ kọbé ò sim tùlà ge ié dõòna kà gbò búma.—Fíl. 3:8

Ẹ̀B VÍDIÒ EA KỌLÀ: PALÀGE SÌM KILSĨ́ MM̀ GE FÃ̀ BÀRÌ TENÍ DÚ LÓ NÒÒMÀ NÙ EA AA BÁ JÌHÓVÀ, VAÁ Ò ÁÁLÁ GBÒ BÍBVÍ:

• Mókà gbò nu ànà-ànà ní e sìgà pá vígà beè bé èl bá kọbé bà láá sí Tọọ̀ Kpá Ea Dì Nè Gbò E Bà Gé Vee Kpẹ̀a Boǹ Méné ẽ́?

• Mókà búma ní e Tọọ̀ Kpá Ea Dì Nè Gbò E Bà Gé Vee Kpẹ̀a Boǹ Méné ólò nèe?

• Mósĩ́ deè ní e gbò e bà di mm̀ bõ̀ònatõ̀ò ni nveè bá nè gbò e bà ni sí nakà tọọ̀ kpáí mm̀ ba ãa tómí ẽ́?

• Gbò éé ní eo é náa kọbé ò láá sìm tùlà ge sí Tọọ̀ Kpá Ea Dì Nè Gbò E Bà Gé Vee Kpẹ̀a Boǹ Méné ẽ́? (kr 189)

• Mókà dõòna kà gbò búma ní eo é láá gbĩ́ gè ié mm̀ bõ̀ònatõ̀ò Jìhóvà ẹ?