Dààmà togó gbááí, èé íe gã́bug tṍó eé láá kpoomá dee ló nyòòmà Sẹ̀lẹ̀ Nù Ge Kẽ̀èa Boo Ú Kráìst. Tṍó e deè gè Kẽ̀èa Boo Ú Kráìst dọ́ èèlè nyíè zẹ̀ẹ̀ sè, bà náa é sẹlẹ nònù Bẹẹ Dùm Dìbelí Gbò E Gé Nyoone Nvéè Kráìst nè Bẹẹ Sìtóm Kọ̀ Kpẹ̀a sèa. Tṍó ea dọ́ deè dee nvéè sè, lòbèl kèsĩ́ gbò nen nè nònù Watchtower náa é sẹẹà. É kọọ̀ òó láá palàge tú gbò tṍó eo íèí siimá tóm leevè? Dì belí bé ea beè dì naaá mm̀ túá gbò gbááá, bà ólò noo nu nyòòmà nakà kele íb sẹ̀lẹ̀ nùí. (Lúùk 22:7-13; km 3/15 1) Sõò à bọ́ló kọọ̀ dénè bẹ̀ì é kpoogè dee ló bẹẹ nyíe. Mósĩ́ deè ní eé láá naamá vó é?

• Bugi togó boo bii bíi ea di ló gè sì.—1 Kọ́r. 11:23-26

• Tã̀àgã ló Bàrì vaá ò bugi togó boo ńlóò gbaa ló kilma ló Jìhóvà.—1 Kọ́r. 11:27-29; 2 Kọ́r. 13:5

• Bugi vaá ò bugi togó boo gbò dọ̀ Kpá Káí ea ló bel boo kà ea di mm̀ Ge Kẽ̀èa Boo Ú Kráìst.—Jọ́ọ̀n 3:16; 15:13

Sìgà pá vígà ólò bugi vaá bugi togó boo gbò dọ̀ Kpá Káí ea kil ló ge Kẽ̀èa Boo Ú Kráìst ea di mm̀ Examining the Scriptures Daily. Dõòna gbò ólò bugi gbò dọ̀ Kpá Káí ea di dẽè tã́à nu ea di kè kẽí. Dõòna gbò nagé ólò kpáá bugi tení boo gbò togó bel ea di mm̀ Watchtower ea ló bel boo nu ea kil ló ge Kẽ̀èa Boo Ú Kráìst nè vùlè e Jìhóvà nè Jíízọ̀s íé kìlmàí ló. Sõò kọ̀láá íb bá eo saamà ge noomá, á dũ̀ùnà ni nvee kpàn Jìhóvà nè a Sã́áná.