Jékọ̀b beè bé nyómá tóm Bàrì boo béè ge ié nú ea palàge dú bíi—níà tã́áná dee bá Jìhóvà. (Jén. 32:24-31; Hòs. 12:3, 4) Vaá beéle à? É kọ è dì gé kpènà ló gè siá kpóó ló nyòòmà ge gbàn tṍ ló Jìhóvà kọbé à tã́ànèi dee bá? Dì belí nu dòòmà bá, be è gbĩ́ gè sà ge sí nònù nè ge tú tṍó tẹlẹ boo tṍó eé síímá tóm, mókà ní eé sa ẹ́? Tṍó e túù dénè bẹẹ tṍó, kói, nè bẹẹ gyọ́ siimá tóm nè Jìhóvà, “àé tã́ànèi dee bá dọ̀ọ̀mà tṍó e née é íe ná tọ́ọ̀ kà bíi.” (Mál. 3:10) Àé kpenài, kùi dẽe ló vaá naa kọ̀láá nu ea dúi bíi ló.—Máát. 6:33; Híb. 13:5.

Ẹ̀B VÍDIÒ EA KỌLÀ KÁ DẼE GBẸẸ́ BOO GÈ FÃ̀ BÀRÌ, VAÁ Ò ÁÁLÁ NA GBÒ BÍBVÍ:

• Mósĩ́ deè ní e nú ea léémá vígà pábiaá beè dú nu ẹ̀bmà ẹ̀b nèe ẽ́?

• Mósĩ́ deè ní e tóm e bãà ló é láá dòà bẹẹ zìgà ẹ?

• Éé ní ea beè naa kọọ̀ Tímotì á olòó noo nu sẹ̀ẹ̀a sĩ́ bã̀àna tṍó ea ni agaló mm̀ ge fã̀ Bàrì e?—1 Tím. 4:16

• Mósĩ́ deè ní eé láá zogè kọọ̀ “gè fã̀ Bàrì ní ea dú nu ea palàge bọọí ló” é?