Jékọ̀b beè nyimá kọọ̀ Jìhóvà gbĩ́ kọ bàá fãè áá ẹlẹ, kọbèè à gá náa vaá à gáà beè nè log ea bé uú boo ge fã̀ gbò ńbàlì e bà náàmà bá. (Ẹ́xọ. 20:3-5) Boo béè vó, tṍó e Jìhóvà ni kọ́ nè Jékọ̀b kọ á òòa kẽ kil Bẹ́tẹẹ̀l, Jékọ̀b beè kọ́ nè dénè gbò e ba beè dìé ló kọ bàá kpòòlà lóó lọl ló gè fã̀ gbò ńbàlì e bà náàmà bá. Jékọ̀b beè tú dénè gbò nu ea nveè sãa kúm ge fã̀ zọ ea dì belí nkpé ló tṍ, nè nu ge nvea òò tobví gbẹẹ. (Jén. 35:1-4) È agàla boo kọọ̀ nyíè Jìhóvà beè palàge ẹẹ ló láb e Jékọ̀b beè labvíá.

Mm̀ beélè deeí, mósĩ́ deè ní e beele é láá fã̀ áá Jìhóvà ẹ? Ene kà nú ea palàge dú bíi dú gè kpòòlà lóó lọl ló kọ̀láá kà nú ea kil ló ge fã̀ zọ. Níí bãàa mm̀ ge tobví kọ̀láá kà nú ea kuu gè fã̀ zọ gbẹẹ, nè ge tú ọ̀ẹ̀ dẽe ẹ̀bmà íb kólì kyáà e saà. Dì belí nu dòòmà bá, bĩià o bá kọọ̀: ‘É kọ nda ólò ẹ̀b gbò kpá àbèè vídiò ea zógè gbò e bà ólò ṍ miì nen, ea dì belí vampire, zombi nè kpóó pọ́lọ́ nyómá e bà ólò siimági tóm dũ̀ùnè? É kọọ̀ nda ólò ẹ̀bgì fím̀ ea zógè kọọ̀ májiìk àbèè ge gbogági pṍò náa dú pọ́lọ́?’ Èé palàge kpòòlà lóó lọl ló kọ̀láá kà nu e Jìhóvà ọ́bví.—Ps. 97:10.

BÌLÀ VÍDIÒ EA KỌLÀ “BEI PỌ́LỌ́ NYÓMÁ,” VAÁ Ò ÁÁLÁ NA GBÒ BÍBVÍ:

• Mókà tã̀àgã̀ ní e ene kà nvín nò Kpá Káí ea kọlà Palesa beè kpee sĩ́ ló é?

• Éé ní ea náa à dú nú e nyìmànù dì m gè gbĩ́ nvèè bá lọl bá gbò kànen be olo, nen eo nyímà ló àbèè nen eo ólò noòmà Kpá Káí bã́ mm̀ dùm ge fã̀ zọ ẹ́?

• Gbò éé ní eé íè ge kpòòlà lóó lọl ló be è gbĩ́ kọọ̀ Jìhóvà á kpènài ẽ́?

• Mókà béèlàfùl ní e Palesa beè tù e?

• Mókà gbò sĩ́deè ní eo é láá kpòòlà lóó lọl ló gè fã̀ zọ gbẹá kiẽ́e eo dì e?