Beeá tení ló zivèkà bàlà booí, gbò nen ólò íé bíi ló nvèè nyíé gbàà. (Ẹ̀klì 4:1) Mm̀ zivèkà ẽ́ September, èé palàge siá kpóó ló èlmà kọ̀láá tṍó ge nè The Watchtower, ea é fáálá togó bel ea ló bel boo nvèè nyíé gbàà. Nei nakà màgàzíìní zaalii. Kọ̀láá bé ea dì naa, boo béè kọọ̀ a ólò tànii ge zọ̀ gbò nen loá bel sĩ́ nè sĩ́ mm̀ ge nvèèva nyíé gbàà, nèè gé kẹlẹ́ màgàzíìn ló nùtọ kiẽ́e bàá gé tọ.

“Sìgà tṍó, dénè bẹ̀ì ólò ié bíi ló nvèè nyíé gbàà. Sõò ãàẽ ní eé láá gbĩ́ nvèè nyíé gbàà mòne? [Bugi 2 Kọ́rìnt 1:3, 4.] The Watchtower í ló bel boo sĩ́deè bé e Bàrì é nveèi nyíé gbàà mm̀ nasĩ́ deèí naa.”

Beà íe lèèma váá tú nakà màgàzíìní, . . .

Vaá ò gbóó dààmà togó gè zọ̀ẹ nóá Kpá Káí.

Bĩináe bíb eo é beè aalá tṍó eo é oòa kẽ dù, dì belí bíb ea kọ́ọ̀ “Éé náa váà Bàrì à sọ̀tọ́ deè mòn tã̀àgã̀ ẽ?”