NÚ EA NÁA À DÚ BÍI: Kọ̀láá kà kpá nè vídiò ea di zẹ̀ẹ̀ bẹẹ Nuù Tóm Ge Kọọmá Kpẹ̀a gé fáálá bẹẹ bùlà nyòòmà jw.org. Kà lèlà bug ea náa vaá bà naa kóntákt kaàd nè trákt ea kọlà: Aà ni Eé Láá Gbĩ́ Aala Gbò Agẹ-agẹ Bíb Ea Kuu Didùm Mòne? dú gè dòbá bẹẹ website nè gbò nen. Òó láá lẹ̀ẹ̀là kpá nè vídiò ea di zẹ̀ẹ̀ bẹẹ Nuù Tóm Ge Kọọmá Kpẹ̀a nè nen tení dú ló gè tú jw.org lẹ̀ẹ̀mà link tenmá boo e-mail má nen. Níí gé láá palàge dọ̀ bélè tṍó eo gé kọ́ kpẹ̀a nè nen ea ólò ló dõòna kà dém bel. Nagé, gbò nen gé láá bĩiná bíb e kpá nè vídiò e bè á gé zẹ̀ẹ̀ bẹẹ Nuù Tóm Ge Kọọmá Kpẹ̀a ní ea áálá ẹ́. Be è láá tú kele kele ketõ̀ò ea di boo bẹẹ website gbĩimá nu, èé láá palàge sí bẹẹ tóm kọ̀ kpẹ̀aí leevè.

BÁ GÈ SIÍ LÓ:

• Ge tú ketõ̀ò ea kọlà “BIBLE TEACHINGS” siimá tóm. Be à gá náa vaá ò gé kọ́ kpẹ̀a nè tẹ̀ àbèè kà ea léémáe ge nyimá gã́bug nu ea kil ló sĩ́deè gè bumá nvín. Sí kè kẽè BIBLE TEACHINGS > MARRIAGE & FAMILY.

• Ge tú ketõ̀ò ea kọlà “PUBLICATIONS” siimá tóm. Be à gá náa vaá ò gé kọ́ kpẹ̀a tṍó e bè nóo beè noo nè nen eo gbáà diaí tọọ̀ kpá vaá ò gbĩ́ gè zọ̀ẹ loá sọ́l boo bróshọ̀ ea kọlà Ààla ea kuu 10 Kà Bíb E Gbò Nvín Ãa Bĩ́íná. Sí kè kẽè PUBLICATIONS > BOOKS & BROCHURES.

• Ge tú ketõ̀ò ea kọlà “ABOUT US” siimá tóm. Be à gá náa vaá ò gé kọ́ kpẹ̀a nè nen eo ólò gbái siaí tóm vaá à léémáe ge bugi ńkem̀ nu ea kil ló gbò nu e zigà ló. Sí kè kẽè ABOUT US > FREQUENTLY ASKED QUESTIONS.

Ẹ̀B VÍDIÒ EA KỌLÀ: BÁ GÈ GBĨIMÁ GBÒ NÚ E ÍÈ BÍI LÓ EA DI BOO JW.ORG, VAÁ Ò GBÓÓ LÓ SỌ́L BOO GBÒ KIẼ́E EO É LÁÁ SÍ BOO BẸẸ WEBSITE GE MÒN GBÒ ÀÀLA EO É LÁÁ NVÈÈMÀ BÁ NÈ:

• nen e bè náa ólò zìgà kọ Bàrì dì

• nen ea ã́àa mòn kà agẹbá tã̀àgã̀

• neǹ vígà e lóóe ni ọọ ló gè fã̀ Bàrì

• nen eo beè kọ́ kpẹ̀a nè ea íe bàà bàà bùlà ea kil ló bé e ólò tú kpègè nvèèmà sãa kúm bẹẹ sìtóm naa

• nen ea aa dõòna kà dó ea gbĩ́ gè sí nònù gbẹá a bon