Jíízọ̀s beè tú a dùm vaamá gyọ́ọ boo gbò nen e bà náa gbõoma. (Róm̀ 5:8) Mm̀ sĩ́deè e tọ́ọ̀ kà bàà bàà bùlà á gé ló, nyíè buù bẹ̀ì ólò ẹẹ ló kọọ̀ Jíízọ̀s zógè kọọ̀ à vulèí tení dú ló gè tú a dùm vaamái gyọ́ọ́ boo. Kọ̀láá bé ea dì naa, sìgà tṍó, à bọ́ló kọ é kẽ̀èa boo kọọ̀ Kráìst beè u nágé boo pá bẹẹ vígà. Mósĩ́ deè ní e beele gé láá ié íb vulè e Kráìst beè iéá kilma ló pá bẹẹ vígà e bà náa gbõoma belí nágé beele é? Èé láá naa vó mm̀ taà sĩ́deè. Túá kà, èé bãaà kóò gbò nen e kiẽ́e e bà aà dú kele ló ńbeele. (Róm̀ 15:7; 2 Kọ́r. 6:12, 13) Ní ea égè bàà kà, èé láá ọẹ̀ dẽe kọbé née lóò bel àbèè ge naa nu ea é bẽ́émá dõòna gbò. (Róm̀ 14:13-15) Dee deè nvée, beè nen síi pọ́lọ́, èé láá gbalá mm̀ ge ia ló nèe. (Lúùk 17:3, 4; 23:34) Be è piìga boo gè nó Jíízọ̀s mm̀ gbò sĩ́deèí, Jìhóvà é kilsĩ́ gè naa kọọ̀ kọ̀láá nen ea di mm̀ bõ̀ònatõ̀ò á tõ̀òa mm̀ fẹ́ẹ́-fẹẹ̀ ló nè mm̀ gbaa ló.

Ẹ̀B VÍDIÒ EA KỌLÀ PALÀGE Ẹ̀B NU BOO BÁ EA BỌ́LÓ! VAÁ Ò ÁÁLÁ GBÒ BÍBVÍ:

• Mókà bùlà ní e Miki beè zẹ́ẹ́ ié nyòòmà a bõ̀ònatõ̀ò ẽ?

• Éé beè naa kọ á nyaaná a bùlà ẹ?

• Mósĩ́ deè ní e nu dòòmà bá Jíízọ̀s beè nvèè bá nè Miki kọ á nyaaná bá ló bé ea géè ẹ̀b nu naa ẽ́? (Máàk 14:38)

• Mósĩ́ deè ní e kpá Próvẹẹ̀b 19:11 gé láá nvèè bá nèi kọ é ẹ̀b pá bẹẹ vígà e gé gbá fã̀ Bàrì mm̀ sĩ́deè ea lelà ẹ?