Éé ní ea beè naa vaá vaà Lọ́t à ẹ̀à nvée tṍó ea géè teá aa boǹ Sọ́dòm ẽ? Kpá Káí náa kọ́. (Jén. 19:17, 26) Gbò bel ea di mm̀ ã̀àneè Jíízọ̀sí tẹ́lẹ bàlà kẽ kọọ̀, be à sẹlẹ a beè ká nyíe gbẹẹ́ boo gbò nu ea beè teá gbẹẹ. (Lúùk 17:31, 32) Éé ní eé náa kọbé née peè sàn nyíè Bàrì belí bé e vaà Lọ́t beè pee naaá ẽ́? Néé zigà kọọ̀ tàn ge ié gyọ́ á dú túá kà nu mm̀ bẹẹ dùm. (Máát. 6:33) Jíízọ̀s beè noomà kọọ̀ née “é láá dú gyóòlo Bàrì nè gyọ́.” (Máát. 6:24) Sõò be à gá náa vaá è nyimá kọọ̀ tàn ge ié gyọ́ a daamà togó gè dùlii lọl ló gè sí tóm nè Bàrìa? Èé láá tã̀àgã ló Jìhóvà kọ á nèi tàvẹ̀ nù ge mònmà kiẽ́e ea dú bíi kọ é sí tóm boo vaá à néi agẹló gè láá naamá vó.

KẼ̀ÈA BOO GBÒ NÚ EA BEÈ NAAÁ MM̀ TAÀ KPÒ VÍDIÒ EA KỌLÀ: KẼEAÍ BOO NU EA BEÈ LẸ̀Ẹ̀A LÓ VAÀ LỌ́T, VAÁ Ò ÁÁLÁ GBÒ BÍBVÍ:

• Mósĩ́ deè ní e tã́gĩ̀ bá gè ié gã́bug kpègè beè tọá ló bug, lòbèl, nè láb Gloria ẹ?

• Mósĩ́ deè ní e nu ea beè lẹ̀ẹ̀a ló vaà Lọ́t dú nu ã̀àne nè beele deè nieí é?

• Mósĩ́ deè ní e gè tú gbò nòòkúu ea di mm̀ Kpá Káí siimá tóm beè nvèè bá nè Joe nè pá a tọ ẹ́?

• Mósĩ́ deè ní e pá kóò Anna gbẹá ól tóm beè nyaaná a dùm ge fã̀àmà Bàrì e?

• Éé ní ea náa vaá è ié bíi ló gè ié agẹló be bà tã́gĩ́i bá kọ é tú gè gbĩ́ kpègè naamá túá kà nu mm̀ bẹẹ dùme?

• Mósĩ́ deè ní e Brian nè Gloria beè kpáá tú gè fã̀ Bàrì gyààma sĩ́ mm̀ ba dùme?

• Mókà gbò nòòkúu ea di mm̀ Kpá Káí ní eo monì mm̀ nakà vídiòí é?