Mm̀ kpá e neǹ tóm Pọ́ọ̀l beè lẹ̀ẹ̀là má Táítọ̀s kèbá tùle nyómá káí, a beè emí kọọ̀ gbò nvín ãa gbálà, kabèè Táítọ̀s, á pììgà boo gè tú ba lóó “tẹlẹ bàlà kẽ m kọ̀láá sĩ́ deè naamá nen e bà é nó lé láb lọl bá.” (Táí. 2:6, 7) Dõòna tṍó mm̀ áá kà ketõ̀ò Kpá Káíá, à tẹ́lẹ bàlà kẽ kọ Jíízọ̀s é õonà pá gbò níí Jìhóvà naa ní e bà é íe “tàn ge naa lé nu.” (Táí. 2:14) Ene kà zẹ̀ẹ̀ gbò lé nuá dú gè vee vaá noòmà nu ea kil ló Boǹ Méné Bàrì. Be ò di-dí ãa, é kọọ̀ òó láá tú kói ea dì ní lóá siimá tóm dì belí ge bã boo víl kọ̀ kpẹ̀a mm̀ ńkpulu dẽè tṍó àbèè ge dú neǹ gyà deèsĩ́ tóm?—Pró. 20:29.

Be àé léémá ni gè dú neǹ gyà deèsĩ́ tóm, noo o dùm nè gbò o tóm leevè naa ní eo é láá bã boo. (Lúùk 14:28-30) Dì belí nu dòòmà bá, mósĩ́ deè ní eo é láá ié kpègè eo é nveemà bá nè o lóó tṍó eo di boo tómí dénè tṍó ẽ́? Òó náàà láá sìm tùlà gã́bug ávà e bà ólò lọa bá ẹ́? Bàn Jìhóvà kọ á nvèènìè bá nèe ni. (Ps. 37:5) Zọ̀ o tẹ̀ nè o kà bií ló gbò e ba beè sí tómí loá sọ́l boo nú eo noò ge naa. Ò gboó tú láb tọ nyòòmà ge sìm tùlà o nu sẹ̀ẹ̀a sĩ́. Jìhóvà é aa deè tãanè dee bá tàn eo íè nyòòmà ge sí tóm nèe!

Ẹ̀B VÍDIÒ EA KỌLÀ GBÒ NVÍN ÃA E BÀ GÉ LEELÀ JÌHÓVÀ, VAÁ Ò ÁÁLÁ GBÒ BÍBVÍ:

• Mókà gbò ànà-ànà ní e sìgà gbò a bé èlbá kọbé bà dú gbò gyà deèsĩ́ tómé, vaá mósĩ́ deè ní e ba beè naamá vó é?

• Mósĩ́ deè ní e tẹ̀ nè kà é láá nvèè bá nè ba gbò nvín kọ bàá dú gbò gyà deèsĩ́ tómé?

• Éé ní ea náa vaá gè ié kpá eo é noo nú ea kil ló kọ̀ kpẹ̀a dẽe à dú bíi é?

• Mósĩ́ deè ní e buù nen ea di mm̀ bõ̀ònatõ̀ò é láá siè kpóó ló vaá nvèè bá nè neǹ gyà deèsĩ́ tómé?

• Mókà gbò tã́áná dee bá ní e gbò gyà deèsĩ́ tóm ólò ié é?