À válí kọọ̀ dénè gbò gyóòlo Jìhóvà á sí tóm nè Bàrì e bè náa é tá nyíè nen dọ̀ọ̀mà dè-dè. Dì belí tẹ̀ àbèè kà ea vulè a nvín vaá lé nu ea náa náa ólò táẹ́ nyíé, tóm e síì nè vulà súú dẽe ló e íè kilma ló Jìhóvà náa ólò táẹ́ nyíe. (Máát. 6:20; Híb. 6:10) À dú kà kà kọọ̀, dénè bẹ̀ì íè kele-kele tál nè dìtõ̀ò mm̀ dùm. Sõò, be è piigà kiẽ́e bẹẹ kpóó sim tùlà mm̀ sìtóm Jìhóvà, èé láá ṍ kààgà. (Gàl. 6:4; Kọ́l. 3:23) Gã́bug tõ̀ò pá bẹẹ gbò vígà págbálà nè pábia a tú gã́bug gbáá siimá tóm Bẹ́tẹẹ̀l. É kọọ̀ òó láá nè lóó gè sí tóm Bẹ́tẹẹ̀l? Be nóo é láá naa vó à, é kọọ̀ òó láá siè kpóó ló dõòna nèn kọ á naa vó àbèè ge nvèè bá nè nen ea gé sí tóm Bẹ́tẹẹ̀l kọ á kilsĩ́ gè sí nakà kele tómá?

Ẹ̀B VÍDIÒ EA KỌLÀ NÈ LÓÓ GE SÍ TÓM BẸ́TẸẸ̀L, VAÁ Ò ÁÁLÁ GBÒ BÍBVÍ:

• Éé ní ea bọ́ló kọ á siè ni kpóó ló kọ ó sí tóm Bẹ́tẹẹ̀l ẹ?

• Mókà gbò bel ní e sìgà gbò a kọ́ kilma ló gbò tã́áná dee bá ea di ló gè sí tóm Bẹ́tẹẹ̀l ẹ?

• Éé ní ea dú gbò kpãa eo é sim tùlà kọbé ò láá sí tóm Bẹ́tẹẹ̀l ẹ?

• Mósĩ́ deè ní eo é láá nvèèmà bée ló gè sí tóm Bẹ́tẹẹ̀l ẹ?