GE TÕÓ DÙM DÌ BELÍ GBÒ E GÉ NYOONE NVÉÈ KRÁÌST
Ge Sìm Kil Sĩ́ Mm̀ Bẹẹ Kalì Bá Gè Kọọmá Kpẹ̀a—Ge Nvèè Bá Nè “Gbò E Bàrì Beè Sà” Kọ Bàá Nyoone Nvéè Kráìst
NÚ EA NÁA À DÚ BÍI: Jìhóvà ólò naa kọọ̀ ból súú kà kà belí á dùm mm̀ nyíè gbò e ẹlẹ beè “sà kọ bà é ié dùm e bè naa tá.” (Tóm 13:48; 1 Kọ́r. 3:7) Beele zọẹ̀ẹ siá tóm tení dú ló gè pììga boo gè kọ́ kpẹ̀a nè gbò e bà tú nu e bà dã́ labmá láb. (1 Kọ́r. 9:26) Gbò eo gé nóòmà Kpá Káí íè ge dã́tẽ́ ló kọọ̀ bàé diiàẹ̀ múú dì belí gbò e bà gé nyoone nvéè Kráìst kọbé bà ié dùùà. (1 Pít. 3:21) È nveè bá nèva kọ bàá nyoone nvéè Kráìst tení dú ló gè noomàva kọ bàá nyaaná bá ló ba sĩ́deè tõò dùm, bàá kọ́ kpẹ̀a vaá noòmà nu, nè ge kìn ba dùm nè Jìhóvà.—Máát. 28:19, 20.
BÁ GÈ SIÍ LÓ:
-
kẽeé nyíè gbò eo ólò noòmà nu kọọ̀ tóm̀ bùlà ea di nvéè bọọ nònù dú gè nvèè bá nèe kọ á ‘nyimá ló’ Jìhóvà vaá naa nu ea é léémáe.—Jọ́ọ̀n 17:3
-
Nvèè bá nè va kọ bàá sìm kilsĩ́ mm̀ ge fã̀ Bàrì tení dú ló gè bé èl bá gbò nu ea é láá sivè va, dì belí pọ́lọ́ dùm nè pọ́lọ́ gbaa ló
-
Siè va kpóó ló vaá ò ló bel agẹ nyíe nèva besĩ́ bà kálá dììamúú nè tṍó e ba ni diìa múú lọ̀l.—Tóm 14:22
Ẹ̀B VÍDIÒ EA KỌLÀ JÌHÓVÀ BÀRÌ É NVEÈ BÁ NÈ NI, VAÁ Ò ÁÁLÁ NA GBÒ BÍBVÍ:
-
Mókà gbò pọ̀ ní ea é láá òòma kẽè nen lọl ló gè kìn lóó nè vaá diìamúú ẽ́?
-
Mósĩ́ deè ní e gbò kànen é láá nvèè bá nè gbò e bà gé nó Kpá Káí kọ bàá sìm kilsĩ́ mm̀ ge fã̀ Bàrì e?
-
Éé ní e kpá Àìzáíà 41:10 nóòmài kilma ló Jìhóvà ẹ?
-
Mókà gbò kpãa ní ea é láá naa kọ é fã̀ Jìhóvà mm̀ sĩ́deè e ẹlẹ ténmá, kabèè née gbõomàe?
Mósĩ́ deè ní e ólò zọ̀ Jìhóvà siá tóm mm̀ ge naa kọ gbò nen á nyoone nvéè Kráìst e?
