Pọ́ọ̀l nè Sáílàs beè ọlí sọ́l lèèmà Jìhóvà tṍó e ba beè di tọọ̀ kpọ́gọ́lọ́. (Tóm 16:25) Tọ́ọ̀ kà bàà-bàà bùlà á gé ló, ba gè ọlí sọ́lá beè nvèè bá nèva kọ bàá ié ĩ̀ìmà. Èé kọ́ vàẹ kilma ló beéle deè nieí é? Gbò sọ́l e ólò ọlí gbẹá nònù nè bẹẹ gbò original song gé láá sièi kpóó ló vaá nvèè bá nèi kọ é kilsĩ́ gè olòó bọ́ló dẹ̀lẹ̀ nyíé boo tṍó e di kèbá tã̀àgã̀. Bọọ èlmà vó, à ólò lèèlà Jìhóvà. (Ps. 28:7) A beè dú gè sièi kpóó ló kọ é olòó ọlí sìgà bẹẹ gbò sọ́l lọa togó. É kọọ̀ o beè dò ge naa vó? Èé láá tú nònù pá tọ noomá gbò sọ́lí vaá è nó buù kà moǹ bel e bà émá.

Ẹ̀B VÍDIÒ EA KỌLÀ: GBÒ PÁ NVÍN Ọ́lí SỌ́L LÈÈMÀ JÌHÓVÀ, VAÁ Ò ÁÁLÁ NA GBÒ BÍBVÍ:

• Mókà lé nu ní e gè olòó ọlí sọ́l nònù é láá naaí ló é?

• Mósĩ́ deè ní e gbò e bà gé sí tóm Audio/Video ólò kpoogá dee ló nyòòmà ge naa rẹ́kọọ̀d sọ́l e bà gé ọ́lí é?

• Mósĩ́ deè ní e gbò pá nvín nè pá ba tọ ólò kpoogá dee ló nyòòmà ge naa rẹ́kọọ̀d sọ́l ẹ́?

• Mókà gbò sọ́l nònù ní ea ólò palàge leemá olo é, vaá boo béè éé?