Pẹẹ nyoone togó bel ea di m

Pẹẹ nyoone a gbò togó bel

Naa Log In (opens new window)
Gbĩ́ JW.ORG

GE TÕÓ DÙM DÌ BELÍ GBÒ E GÉ NYOONE NVÉÈ KRÁÌST

Ge Sìm Kil Sĩ́ Mm̀ Bẹẹ Kalì Bá Gè Kọọmá Kpẹ̀a—Ge Nyaaná Bá Ló Bel Nyòòmà Dìtõ̀ò Eo Zọọ̀ Nyòònà

Ge Sìm Kil Sĩ́ Mm̀ Bẹẹ Kalì Bá Gè Kọọmá Kpẹ̀a—Ge Nyaaná Bá Ló Bel Nyòòmà Dìtõ̀ò Eo Zọọ̀ Nyòònà

NÚ EA NÁA À DÚ BÍI: Gbò e Bàrì beè tṍ nóo ból nè na gònò naanà bólá kólí dénè nen kọ bàá dù gé ‘ṍ múú dùma pọ́ì.’ (Kùùà 22:17) Nakà múúí tõó dọ̀ kọ̀láá kà nú e Jìhóvà náa boo béè ge aamá gbò lé lab dògò lọl bá náàkyọ̀ nè ú. Kọbé è láá nvèè bá nè gbò e bà íe kele-kele íb nàànù kunukẽ̀ nè gbó nu e baála ziga ló, à dú bíi kọ é vee “lé kpẹa e a di lee” mm̀ sĩ́deè ea é léé ló buù ọ̀và.—Kùùà 14:6.

BÉ EO É NÁA NAA:

  • Sà togó bel nè dọ̀ Kpá Káí ea é tọ́á ló gbò e bà di kiẽ́e eo ólò kọ́ kpẹ̀a. Òó láá sà ńkem̀ nu dòòmà bá gè kọọmá kpẹ̀a àbèè ò sa togó bel eo beè siimá tóm leevè. Mókà gbò togó bel nè dọ̀ Kpá Káí ní ea ólò palàge leemá gbò nené? É kọ à íe gbò kpẹ̀a ea ã́àa naaá ea di bùlà gbò nen? Mókà togó bel ní ea é léémá págbálà àbèè pábia ẹ́?

  • Mm̀ o loa sọ́l, kànà moǹ nen belí bé e gbò e bà di kiẽ́e eo ólò kọ́ kpẹ̀a ólò kànà moǹ nen naa.—2 Kọ́r 6:3, 4

  • Palàge nyimá ló gbò kpá nè vídiò ea di zẹ̀ẹ̀ Gbò Kpá E Ólò Noòmà Gbò Nen eo é zógè nen ea íe lèèma ló

  • Naa dã̀ànlóòd gbò kpá àbèè vídiò ea di mm̀ dém bel gbò eo é láá mon mm̀ kiẽ́e eo ólò kọi kpẹ̀a

  • Nyaaná bá ló o togó bel nyòòmà bíi ea di ló tẹ̀ íè tọ. (1 Kọ́r. 9:19-23) Dì belí nu dòòmà bá, éé ní eo é láá kọ̀ be ò monì kọọ̀ nen ã́àa ú ló nen eo gbĩ́ gè kó kpẹ̀a nèe?

Ẹ̀B VÍDIÒÍ, VAÁ Ò ÁÁLÁ NA GBÒ BÍBVÍ:

  • Mókà togó bel ní e neǹ kọ̀ kpẹ̀aá beè dààmà togó gè kọọmá a kpẹ̀a nè tẹ̀ íè tọá ẹ́?

  • Éé ní ea beè naaá ló tẹ̀ íè tọá ẹ́?

  • Mókà dọ̀ Kpá Káí ní ea palàge bọ́ló gè kọọmá kpẹ̀a tṍóá ẽ́, vaá éé ní ea náa à bọ́ló naa vóé?

  • Ò ólò nyaaná bá ló o kọ̀ kpẹ̀a kọbé à léé ló gbò e bà di kiẽ́e eo ólò kọ́ kpẹ̀a naa vàẹ?

DÙM NÈ KPÁ BÕ̀ÒNALÓ SÌTÓM KỌ̀ KPẸ̀A

Ge Sìm Kil Sĩ́ Mm̀ Bẹẹ Kalì Bá Gè Kọọmá Kpẹ̀a—Ge Nyaaná Bá Ló Bel Nyòòmà Dìtõ̀ò Eo Zọọ̀ Nyòònà

Gokana
Ge Sìm Kil Sĩ́ Mm̀ Bẹẹ Kalì Bá Gè Kọọmá Kpẹ̀a—Ge Nyaaná Bá Ló Bel Nyòòmà Dìtõ̀ò Eo Zọọ̀ Nyòònà
https://cms-imgp.jw-cdn.org/img/p/202019453/univ/art/202019453_univ_sqr_xl.jpg
mwb19 December náásĩ́. 7
GBÒ NU GÈ SÀ GBÀÀ GE NAAMÁ DÀÀNLÓÒD
Ge Sìm Kil Sĩ́ Mm̀ Bẹẹ Kalì Bá Gè Kọọmá Kpẹ̀a—Ge Nyaaná Bá Ló Bel Nyòòmà Dìtõ̀ò Eo Zọọ̀ Nyòònà
Gbò nu ge sà gbàà ge naamá dã̀àǹlóòd gbò kpá tã́ànu ne sol e bae nvee boo intanet DÙM NÈ KPÁ BÕ̀ÒNALÓ SÌTÓM KỌ̀ KPẸ̀A December 2019