Gã́bug tṍó mm̀ nòòtẽ́ nómá, gbò e bà gé bẹl a nvee gì bá nè gbò níí Jìhóvà. (Ẹ́zrà 6:1-12; Ẹ́stà 8:10-13) Bã̀àna mm̀ beélè tṍóí, è monì “kunu kẽ”—ea doà bá gbò e bà gé bẹl e bà nyímánu—a ãanà gã́ vaá sọ̀ọ̀là mèn “múú” ea doà bá bíígá ló ea aa bá drágọ̀n’ ea dú Sétàn ea dú pọ́lọ́ nyómáá. (Kùùà 12:16) Sìgà tṍó, Jìhóvà ea dú “Bàrì ea ólò dùùlàiá” é láá tú gbò e bà gé bẹl aamá pá a gbò.—Ps. 68:20; Pró. 21:1.

Vaá be à gá náa bà sií ni nvee kpọ́gọ́lọ́ boo béè o zìgàà? Ó gá ié bàà-bàà bùlà kọ Jìhóvà gé ẹb nú ea kilìè ní ló. (Jén. 39:21-23; Ps. 105:17-20) Àgala boo kọọ̀ Jìhóvà é né ni kpẽ́ ló o zìgà vaá o gè bọ́ló dẹ̀lẹ̀ nyíé boo é síè kpóó ló pá vígà e bà dì beeá ló bàlà booí.—Fíl. 1:12-14; Kùùà 2:10.

Ẹ̀B VÍDIÒ EA KỌLÀ BA BEÈ SỌ̀BÁ PÁ VÍGÀ E BÀ DÚ KOREA LỌL TỌỌ̀ KPỌ́GỌ́LỌ́, VAÁ Ò ÁÁLÁ NA GBÒ BÍBVÍ:

• Éé ní ea náa vaá ba beè sii gã́bug tõ̀ò pá vígà e bà di South Korea nvee tọọ̀ kpọ́gọ́lọ́ mm̀ sìgà gbò gbáá ea kil nvée ã́é?

• Mókà gbò bèèla bel ní ea beè màn kọ bàá vàlẹ̀bá sọ̀bá sìgà pá vígàí é?

• Mósĩ́ deè ní eé láá nvèè bá nè pá vígà e bà di-dí tọọ̀ kpọ́gọ́lọ́ boo béè ba zìgàẹ?

• Mósĩ́ deè ní ea bọ́ló kọ é tú dì pọ́ì e íè kátogóí siimá tómé?

• Mée ní ea náa kọ gbò belí á leèi gbẹá tọ bèèla ẹ́?