Lọl tã́gíní gbáá 2018 na, buù kà màgàzíìn e ólò nè beè dààmà togó gè lóbel boo áá ene kà togó bel. Dénè gbò màgàzíìní di gbàà Gbò Kpá E Ólò Noòmá Gbò Nen. Vóà naa, èé lá tú siimá tóm tṍó ee gé kọ́ kpẹ̀a. Èé láá faalá sìgà tṍó e gé sí kyẽè àbèè è gé sí gé zalí nu. Náa beè dú gè naa gbò màgàzíìní kọ é noomà gbò nen, sõò gè naa kọ á tàn gbò nen gè nó nú ea kil ló Bàrì.

Tṍó eo ni zọ́ẹ dààmà togó loa sọ́l lọ̀l, bugi ene kà dọ̀ Kpá Káí nèe vaá ò gbóó nèe ene kà màgàzíìn ea é láá leemáe. Dì belí nu dòòmà bá, be à íe pá tọ àbèè à gé téní bá tã̀àgã̀ bùlà, òó láá kọọ̀: “Nda beè ãàa bugi ene kà kpá ea lóbel boo togó belí. É kọ m̀ḿ láá zogè ní. Be ò monì kọ à íe lèèma ló, òó láá nèe ene kà kpá àbèè ò lẹẹlà nèe tenmá boo fóòn, kọbèè níà túá deé eo gé kọ́ kpẹ̀a nèe ẽ́. Náa kal ló béè kọọ̀ née túù gè nè kpá sẹ̀ẹ̀a sĩ́, sõò gbò kpáí é nveè bá nèi kọ é mòn gbò e bà di kpènà ló gè tú nu e bà nó siimá tóm.—Tóm 13:48.