Ge kpó nen ólò kpènà bõ̀ònatõ̀ò vaá lele dee bá nen ea sí pọ́lọ́ vaá náa ọ́gá ló. (1 Kọ́r. 5:6, 11) È zógè kọ è íèè vulè tṍó e nveè sãa kúm bé e Jìhóvà ne kọ̀bèl naa. Níí é láá dú kà kà naa vàẹ boo tṍó e gè kpó nen lọl mm̀ bõ̀ònatõ̀ò ólò naa kọọ̀ nyíè nen e bà kpóá, pa a tọ, nè gbò kànen e ba beè beelá belá á bììlàẹ?

Bọọ èlmà tõ̀ò, tṍó e náà vó, è zógè kọ è vulè Jìhóvà nè gbò a kpãa ea di káíá. (1 Pít. 1:14-16) È zógè nàgé kọ è vulè nen e bà kpó lọl mm̀ bõ̀ònatõ̀òa. Kọ̀bèl ólò domà nyaaló, sõò tṍó e tṍó téní, à ólò naa kọọ̀ nená á ié “fẹ́ẹ́ fẹẹ̀ ló e a dú ló gè naa nu e a lelà.” (Híb. 12:5, 6, 11) Née nveè sãa kúm kọ̀bèl ea aa bá Jìhóvà tṍó e zọọ̀ nen e ba beè kpò àbèè nen e bè náa zigà ge siná nònù naaá nu. Kẽ̀èa boo kọọ̀, Jìhóvà ólò lele dee bá pá a gbò “boo bá ea bọ́ló.” (Jèr. 30:11) È ẹbmà dẽe kọọ̀ nená é beè òòa kẽ dú ló bẹẹ tẹ̀ ea íe sàn nyíeá, sõò dọ̀ọ̀mà tṍóá, èé kilsĩ́ gè nvèè sãa kúm bé e Jìhóvà ne kọ̀bèl naa vaá kilsĩ́ gè naa gbò nú ea é agẹlẹ ló gbaa ló e íè kilma ló Jìhóvà.—Àìz. 1:16-18; 55:7.

Ẹ̀B VÍDIÒ EA KỌLÀ KILSĨ́ GÈ BỌ́LÓ DẸ̀LẸ̀ NYÍÉ BOO NÈ JÌHÓVÀ LỌA NYÍE, VAÁ Ò GBÓÓ AALÁ NAGBÒ BÍBVÍ:

• À ólò tọá ló tẹ̀ nè kà tṍó e ba nvín ooà aa ló gè fã̀ Jìhóvà naa vàẹ?

• Mósĩ́ deè ní e pá vígà é láá nvèè bá nè pá tọ e bà kpó nen ea di m mé?

• Mókà nòòtẽ́ ea di mm̀ Kpá Káí ní ea zógè bé e gè bọ́ló dẹ̀lẹ̀ nyíé boo nè Jìhóvà èlmà ge bọ́ló dẹ̀lẹ boo nè pá bẹẹ tọ palàge dú bíi naa ẽ́?

• Mósĩ́ deè ní eé láá bọ́ló dẹ̀lẹ̀ nyíé boo nè Jìhóvà èlmà bé e bọ́ọ̀ló dẹ̀lẹ̀ nyíé boo nè pá bẹẹ tọ naa ẽ́?