NÚ EA NÁA À DÚ BÍI: Be à gá náa vaá “tóm̀ bùlà ea di mm̀ nyíè nen dì belí sogo-sogo kètẽ́ bànà múú,” tṍóá bíb gbóó dì belí bọ́kẹ̀t e bà tabmà múú lọl m. (Pró. 20:5) Ge bĩiná bíb ólò nvèè bá naa kọọ̀ nen e gé zọ loá bel á ló bel tẹlẹ dẽe. Ààla e nen áálá tẹlẹ dẽè kà lé bíb ólò naa kọ é nyimá nú ea dìé bùlà. Jíízọ̀s beè tú bíb siimá tóm boo bá ea bọ́ló. Móbà ní e nda é láá noomá ẹlẹ é?

BÁ GÈ SIÍ LÓ:

• Bĩiná gbò bíb ea é tẹ́lẹ bàlà kẽ bé e ẹlẹ ẹb nu naa. Jíízọ̀s beè bĩiná gi bíb pá a gbò nyòòne nvée ló gè dãamá nú ea dìvá bùlà. (Máát. 16:13-16; be 238 ¶3-5) Mókà bíb ea tẹ́lẹ̀ nú ea di bùlà nen bàlà kẽ ní e olo é láá bĩiná ẽ́?

• Bĩiná gbò bíb ea é náa kọ á dã́tẽ́ ló. Ge le-le dee bá Pítà, Jíízọ̀s beè bĩiná gbò bíb ea ààla náa kọọ̀ Pítà á dã́tẽ́ ló kà kà bel ea di kẽ. (Máát. 17:24-26) Mókà gbò bíb ea é náa kọọ̀ nen á dã́tẽ́ ló nu ní e nda é láá bĩiná mm̀ ge nvèè bá nè nen kọ á dã́tẽ́ ló kà kà belé?

• Lèèlà nen eo gé zọ loá belá. Jíízọ̀s beè palàge lèèlà neǹ émì kpá tṍó ea mon bé ea “tú nyìmà nu aamá belá naa.” (Máàk 12:34) Mósĩ́ deè ní e olo é láá lèèlà nen ea áálá o bíbvé?

Ẹ̀B TÚÁ KPÒ EA DI LÓ VÍDIÒ EA KỌLÀ: SÍ TÓM E JÍÍZỌ̀S BEÈ SÌ—NOÒMÀ NU, VAÁ Ò ÁÁLÁ NA GBÒ BÍBVÍ:

• Éé ní ea náa vaá nakà bá ge noòmà nuí à dú pọ́lọ́, kọbèè gbò bel ea géè lòa dú kà kà ẹ?

• Éé ní ea náa vaá èé náa èlmà bóó áá gè baatẽ́ bel nè nené?

Ẹ̀B NÍ EA ÉGÈ BÀÀ KPÒ EA DI LÓ ÁÁ KÀ VÍDIÒÁ, VAÁ Ò ÁÁLÁ NA GBÒ BÍBVÍ:

• Mósĩ́ deè ní e vígàí tú bíb siimá tóm boo bá ea bọ́ló é?

• Mókà dõona kà gbò gá ea di ló nakà sĩ́deè ge noòmà nuí ní e beele é láá nò ẽ?